【Juicy叮】舊樓漏水業主拒出錢整網民倡做租霸對抗

2020-09-24 14:59

屋漏兼逢連夜雨，香港連日驟雨不斷，網上討論區「親子王國」有網民發文，投訴新租住的唐樓單位出現滲水，但業主又懶理，大廈又沒有管理處，不知如何是好。

網民發文求教，稱「發現房間牆身出水，剛搬入兩個月，未搬之前發現全屋水喉出黃水，業主已攪咗，但而加又發現牆上漏水，業主話唔理，話已經攪咗好多錢，叫我自己攪掂」。她又指，「業主講明唔理，地產話業主唔理都無辦法」，她怒指「業主一味只講巳整咗水喉駛咗好多錢，又話之前個租客住咗幾年都無甘多嘢，叫我哋自己攪掂佢啦，我地𠵱家出去問下價，張床褥濕晒，頭痛」

不少網民都覺得業主離譜，「乜業主可以唔理？咁你搬走得唔得，但我驚業主扣你按金，好傷。」。有網民建議，「打下價問咗先...到時再同業主商量」，「業主冇得唔理。床褥因屋內漏水問題整濕都可以要求賠償。樓上JM講得啱。打價維修租金扣。要先報價比業主知。叫地產經紀同業主傾。」

有網民乾脆教租客拒交租「做租霸」、「佢唔搞咪唔交租咯，再唔處理，幫佢搞，喺租金度扣」。不過也有人直言，「舊樓外牆滲水問題係非常複雜，甚至係無法維修，要業主立案法團去強制每戶夾錢去進行整座大廈之外牆維修，你打定輸數」。

關鍵字