【去咗邊】冇帶安仔石恆聰睇首映 鄭秀文蔡卓妍同另一半睇戲要擇日
2020-09-21 09:30 
由鄭秀文（Sammi）、蔡卓妍（阿Sa）主演的英皇電影《聖荷西謀殺案》昨晚在尖沙咀舉行首映禮，老闆楊受成博士夫婦、林子祥與太太葉蒨文、張敬軒、衛詩雅、湯怡、泳兒、吳浩康、何珮瑜等也有現身支持。不過，「安心事件」後許志安變得低調，而早前阿Sa傳跟百億麻將館太子爺男友石恆聰分咗手，昨晚兩人都未有帶另一半現身，Sammi笑言老公許志安遲點會去看；阿sa則指首映禮太多人，之後會再和男友一起看。
阿Sa否認與男友分手的傳聞，亦不會因此生氣，「都唔係第一次有傳言，之前都傳過結婚、懷孕、分手，來來去去都係呢類故事，但我又唔係揸筆嗰個人。」問到男友怎樣去呵返她？阿Sa即說唔使：「大家都好成熟，傳聞唔會影響我生活。」
阿嬌已拆線傷口好得快
講到好姊妹鍾欣潼（阿嬌）之前在內地意外撞傷頭部，阿Sa談阿嬌近況說：「佢受傷當晚有搵過我，但我第二日先睇到佢訊息，一睇到張相，嚇到個心離一離，傷口成條眉咁長，幸好冇傷到眼，又冇撞到個腦，佢𠵱家已經拆線，康復進度好好，果然係後生女，好得快。」她並透露阿嬌應該於11月回港。另外，Sammi表示新碟於本於年初推出，卻因疫情關係延遲至今，但她未打算進行太多宣傳活動或舉行簽唱會。
關鍵字
最新回應