星島日報

【獨家】捲解僱風波 同妻兒行街唔再輕鬆 鄧梓峰愁眉苦臉買電話

2020-09-20 23:30
近日捲入炒魷風波的十郎日前跟太太、兩個寶貝仔去妻兒到又一城買iPhone。
近日捲入炒魷風波的十郎日前跟太太、兩個寶貝仔去妻兒到又一城買iPhone。

現年58歲的鄧梓峰(十郎)一向好識享受人生,私下經常約老友夾Band、打Golf、飲飲食食、揸飛機周圍去,而廿多歲的孖仔鄧柏暉(Matthew)和鄧松暉(Justin)每次從美國返港都會黐實老竇,3父子感情深厚。日前周末,十郎就同太太、兩個寶貝仔去又一城買iPhone,惟其創辦的補習社近日因有導師提及「武漢肺炎」一詞而遭解僱,引來大批網民聲討,搞到他十分煩惱,連Family Day都無法好好享受,全程苦埋口面。採訪:譚壹致

近日捲入炒魷風波的十郎日前跟太太、兩個寶貝仔去妻兒到又一城買iPhone。
近日捲入炒魷風波的十郎日前跟太太、兩個寶貝仔去妻兒到又一城買iPhone。
入到Apple shop,十郎依然皺晒眉頭,睇嚟內心都好多嘢煩緊。
入到Apple shop,十郎依然皺晒眉頭,睇嚟內心都好多嘢煩緊。

「億萬金牌司儀」鄧梓峰好玩得,不單止肯放下身段扮「巴斯光年」,仲經常於社交網出Po搞爛Gag,好似年初爆發新冠肺炎時,有專家指病毒源頭是野生動物,網上一度流傳內地人食蝙蝠湯的影片,十郎亦湊熱鬧於Facebook貼出手執龍蝦照,搞笑地叫大家「唔好P做蝙蝠」,以諷刺食野味的人。不過事隔7個月,月初其創辦的「梓峰教育」爆出炒魷風波,事緣一名導師被家長投訴在Zoom教授小一面試班時,對學生稱目前正經歷「武漢肺炎」,中心隨即向家長致歉,並以該導師不適合於旗下所有分校任教為由,將其解僱,結果掀起網上一片謾罵。

唔講政治
雖然已發聲明否認因投訴一事解僱涉事導師,又強調「堅決拒絕把任何政治元素或議題帶進教學」,但也無法平息網民怒火,相信一向豁達的他呢排都好難再「輕輕鬆鬆鄧梓峰」!日前傍晚6點,十郎與太太帶埋一對孖仔鄧柏暉和鄧松暉去又一城行街,一家四口先走入電器舖睇手機,細佬Justin就捧住一Pack六支的啤酒,同大佬Matthew和媽咪企喺側邊陪爸爸,見十郎繞晒手、托住頭望實櫃中的iPhone,好專注,但隻手掂到個口罩就唔多衛生囉!

十郎在電器舖內繞晒手、托晒頭研究手機,但隻手掂到口罩好唔衛生!
十郎在電器舖內繞晒手、托晒頭研究手機,但隻手掂到口罩好唔衛生!
十郎胸有成竹咁款,握實拳頭擺喺心口,並快步走去Apple shop買手機。
十郎胸有成竹咁款,握實拳頭擺喺心口,並快步走去Apple shop買手機。

心情沉重
估計啲型號唔多啱心水,十郎聽Justin分析完一輪,大約10分鐘後便離開,一家之主十郎一個快步向Apple shop進發,Matthew就獨自去攞車先,Justin則撳住手機企喺門口等父母。其間,由睇手機、等攞貨到同Staff講嘢,十郎都全程眉頭深鎖,就算老婆喺隔離都唔多出聲,心情似乎好沉重,未知是否受公事所困呢?逗留半個鐘左右,成功購入一部新iPhone的十郎便跟太太離開,尾隨的鄧太防疫意識相對地高,臨走前都識得噴一噴手消毒,十郎卻一味覆Message,一邊行去停車場會合囝囝返歸。

買部手機啫,十郎同Staff溝通都神色凝重,輕鬆啲啦香港人。
買部手機啫,十郎同Staff溝通都神色凝重,輕鬆啲啦香港人。
細仔Justin在門外一邊撳手機一邊等爹哋媽咪。
細仔Justin在門外一邊撳手機一邊等爹哋媽咪。
鄧太好醒目,臨走前噴吓消毒液清潔雙手,但十郎一買完就急急腳走,好趕喎。
鄧太好醒目,臨走前噴吓消毒液清潔雙手,但十郎一買完就急急腳走,好趕喎。
身兼數職的十郎行去停車場途中,一路好忙碌地低頭覆Message。
身兼數職的十郎行去停車場途中,一路好忙碌地低頭覆Message。
十郎創辦的「梓峰教育」月初因一名導師被家長投訴向學生提及「武漢肺炎」而遭炒魷,引來網民不滿。
十郎創辦的「梓峰教育」月初因一名導師被家長投訴向學生提及「武漢肺炎」而遭炒魷,引來網民不滿。
十郎曾「請求」網民將相中的龍蝦P成蝙蝠,以諷刺食野味的人,網民即刻做嘢。
十郎曾「請求」網民將相中的龍蝦P成蝙蝠,以諷刺食野味的人,網民即刻做嘢。
一對孖仔 Matthew和Justin每次從美國返港都會陪老竇周圍去。
一對孖仔 Matthew和Justin每次從美國返港都會陪老竇周圍去。
十郎育有4名子女,分別是大女鄧瓊芝(左一)、孖仔鄧松暉(右一)和鄧柏暉(左前二),以及細女鄧淑芝(右二)。
十郎育有4名子女,分別是大女鄧瓊芝(左一)、孖仔鄧松暉(右一)和鄧柏暉(左前二),以及細女鄧淑芝(右二)。

最新回應

關鍵字

熱門文章