星島日報

喬嫂嫂「餵」飽老公  「幸福肥」喬寶寶迫親隔離位乘客

2020-09-15 12:00
所謂夾喺中間難做人,喬寶寶身形健碩,反而影響到左右隔離位乘客。
所謂夾喺中間難做人,喬寶寶身形健碩,反而影響到左右隔離位乘客。

現年51歲的喬寶寶於今年3月離開香港,往蘇格蘭與早已移民當地的家人團聚,但短短5個多月,他難頂戲癮返港拍電影《時代》及中印獨立電影《我男友係好差》,完成手上工作後,昨日喬寶寶又起程返去「交人」,兼且趕返去同細仔慶祝牛一。他喺社交網站上戴咗一張位於航機經濟客艙內嘅照片,相中戴住帽子、口罩及眼鏡嘅寶寶坐喺中間座位,左右都被兩位男乘客夾實,驟眼睇都坐得有啲迫夾,飛長途就真係坐得有啲唔舒服喇!

 

喬寶寶用英文留言:「好快可以見返美麗嘅香港。返緊我第二個家鄉蘇格蘭嘅途上,抱歉,我又大隻咗啲,搞到兩個乘客要左搖右擺!」

 

咁又係嘅,過住半退休,冇憂冇慮嘅喬寶寶愈嚟愈幸福肥,睇返之前TVB重播劇《高朋滿座》,13年前嘅喬寶寶身形比𠵱家瘦足兩個碼,目前體重超過200磅,唔使諗,梗係喬嫂嫂伙食太好。不過,喬寶寶唔係大食懶,佢反而好恨有工開,留言話:「好快可以見返美麗嘅香港。」估計係短期內再拆返,大家好期待寶寶開心回歸。

 

所謂夾喺中間難做人,喬寶寶身形健碩,反而影響到左右隔離位乘客。
所謂夾喺中間難做人,喬寶寶身形健碩,反而影響到左右隔離位乘客。
13年前拍《高朋滿座》嘅喬寶寶身形比𠵱家瘦足兩個碼。
13年前拍《高朋滿座》嘅喬寶寶身形比𠵱家瘦足兩個碼。

同女神陳欣妍拍完獨立電影《我男友係好差》。
同女神陳欣妍拍完獨立電影《我男友係好差》。
之前喬寶寶喺西貢蠔涌村村公所拍攝電影《時代》煞科外景戲。
之前喬寶寶喺西貢蠔涌村村公所拍攝電影《時代》煞科外景戲。

寶寶又返蘇格蘭交人喇!希望好快再返港拍戲搵錢。
寶寶又返蘇格蘭交人喇!希望好快再返港拍戲搵錢。
喬嫂嫂伙食,唔怪得寶寶「幸福肥」。
喬嫂嫂伙食,唔怪得寶寶「幸福肥」。

最新回應

關鍵字

相關新聞

熱門文章