星島日報

做網上節目挑戰難度  林珊珊頭炮向林德信請教拉筋

2020-09-14 20:50
建立新頻道節目,首集林珊珊請來林德信求教拉筋。
建立新頻道節目,首集林珊珊請來林德信求教拉筋。

寰亞經理人林珊珊 (Sandy)眼見兩位囡囡西瓜 (李澄) 及野人 (李怡) 活躍於社交平台,珊珊也嘗試跨界在網絡媒體YouTube平台建立新頻道《大家好All is well》,頭炮節目《Have a friend day》喺今晚上九時推出。首集便約好與西瓜、林德信 (Alex) 及西洋書法家Wendy 聚會:「我哋係好似朋友日常聚會咁,大家一齊唱吓歌,做吓運動,嘆杯咖啡,學吓寫書法,學呢樣整果樣,唔係背稿,中間又可以把歌談心,一起歡渡Have A Friend Day!你都想一齊共渡開心一日嘅,咪一齊加入囉。」

 

珊珊指出:「其中由 Alex 結他伴奏,我同西瓜合唱嘅《戀愛預告》,可能會帶畀大家驚喜,但對我嚟講最大嘅挑戰係Alex教我拉筋,雖然古語有云『根長一吋,延壽十年』,但我當時嘅感覺只係『死過翻生』,痛苦自己知,可能之後要經常保持練習,至會追得上佢設計嘅進度。」

 

珊珊最後還推介,大家一定要留意她跟西洋書法家老師 Wendy學書法一段,原因除了自己專注練習「手心冒汗」的神情確係真情流露之外,Wendy乃公司旗下五人樂隊 Nowhere Boys主音Van 的太座,各位 fans 要捧下場了。

 

珊珊也嘗試跨界在網絡媒體YouTube平台建立新頻道《大家好All is well》。
珊珊也嘗試跨界在網絡媒體YouTube平台建立新頻道《大家好All is well》。
向西洋書法家老師 Wendy學書法。
向西洋書法家老師 Wendy學書法。

最新回應

關鍵字

相關新聞

熱門文章