【維港會】一手包辦縫紉全屋窗簾布具 僱主大讚外傭盡心盡力

不時會有僱主在網上批評外傭的不是，但其實仍有很多工人姐姐勤奮認真，願意為僱主一家付出。有僱主近日就在網上發帖，指家中外傭因懂得縫紉衣物，於是特意購買了一部車衣機給她使用。而每當工人姐姐有空，便會時不時縫紉各種衣物布具，更幫僱主一家縫紉窗簾等用品。僱主連番表揚她乖巧勤奮，感激她為家庭的付出：「每次叫佢做嘢，我都會講thank you，係衷心嘅thank you。」

該名僱主表示，工人姐姐突然有一天向她透露，自己其實懂得縫紉衣物，又詢問他車衣機的價錢。自己於是在網上購買了一部頗新淨的車衣機，送給工人姐姐用。自此以後，全屋的窗簾、牀邊簾等，都由她一手包辦縫紉。「我全屋嘅窗簾都係佢車，還有牀邊簾，佢一有時間就車嘢，佢見到我屋企需要乜佢會自動自覺去車。」

僱主後來有朋友知道，亦特意拜託請她幫手：「朋友知道咗，都會叫佢車，我就會幫佢收番一日人工，等佢有少少外快。」

僱主表示，工人姐姐是他同學一位外傭的表妹，今年已經在他家中服務了6年，一直都十分乖巧守規矩，非常疼錫小僱主。譬如每次放假外出，她都會自動自覺早早回家，不需要令人擔心；在疫情這段時間又會避疫留家不外出。

僱主指，工人姐姐雖然偶爾會做錯事，而且有時又會無記性等，但見到姐姐盡心盡力為家庭服務，仍然感到十分感激。「不過佢都係人，我用4千幾（蚊）請佢，每日8點就見佢開始做嘢，一路做到夜晚10點先沖涼上牀。佢做晒我所有唔想做嘅嘢，所以有時有啲嘢就算佢做得唔好，我都唔會話佢。每次叫佢做嘢，我都會講thank you，係衷心嘅thank you。」

不少網民看過帖文後，紛紛留言讚好，不少人都覺得僱傭關係就應該要如此以誠相待，「因為好多人都有階級觀念，成日都覺得姐姐係低人一等，但人哋都有感覺，所以你係真心對姐姐好定只係做表面，人哋會feel得到」、「遇到好姐姐一定要分享！發下正能量都好」。