星島日報

【終認離婚】直播唱慘情歌爆喊 康子妮開腔認離婚

2020-09-13 02:31
康子妮昨晚做直播時直認同林曉峰離婚,夫妻昔日恩受不再,阿Lo惟有同狗狗相伴!
康子妮昨晚做直播時直認同林曉峰離婚,夫妻昔日恩受不再,阿Lo惟有同狗狗相伴!

43歲康子妮被爆與49歲林曉峰(阿Lo)已離婚,結束18年夫妻情,更有指52歲的黃翊傳捲入二人的婚變中。雖然傳言滿天飛,但康子妮及阿Lo始終避談,未有正面回應分訊。喺呢段敏感時間,阿Lo保持低調,他只在IG發文默認,寫下和康子妮冇仇冇恨:「只有我和你(康子妮)明白,呢個係對大家最好嘅決定,你已經付出所有,以後為自己理想努力向前…」字裡行間處處維護住康子妮,但仍感受到似乎被拋棄中佬嘅悲哀。反觀康子妮表現灑脫,繼前晚喺社交平台上載一家四口為大仔慶祝17歲生日外,昨晚更有心情繼續做直播與網民互動,而她竟選擇喺直播平台首度開腔,直認已離婚,咁做真係估佢唔到喎!


直播中唔少網民留言關心她離婚事件,又不停鼓勵康子妮加油,有備而戰嘅康子妮表示會放在心中,並感激大家支持她的直播。當被問到近日的嘅新聞(離婚)係咪真事?她首度開腔直認離婚說:「係真㗎!所以多謝你哋知道我嘅事,你哋又喺度,我都好感激,大家都係好朋友,感謝。」康子妮亦準備了唱歌環節,但選唱的都係悲情歌,唱出林曉培的歌曲《心動》時,疑被歌詞觸動離婚的情緒,一時有感而發,激動得喊住唱。唱《花千樹》時,康子妮一度飲泣,要停頓咗幾秒先可以再繼續唱,睇到網民心都痛。網民即加以安慰說:「抱抱」、「唔淮喊」、「加油」...

康子妮昨晚做直播時直認同林曉峰離婚,夫妻昔日恩受不再,阿Lo惟有同狗狗相伴!
康子妮昨晚做直播時直認同林曉峰離婚,夫妻昔日恩受不再,阿Lo惟有同狗狗相伴!
康子妮觸景傷情,唱到爆喊。
康子妮觸景傷情,唱到爆喊。

康子妮和林曉峰結束18年婚姻。
康子妮和林曉峰結束18年婚姻。
阿Lo和兩個寶貝仔及愛犬過新生活。
阿Lo和兩個寶貝仔及愛犬過新生活。

昔日一家四口樂家融融。
昔日一家四口樂家融融。
康子妮前晚喺社交平台上載一家四口為大仔慶祝17歲生日,未被離婚影響心情。
康子妮前晚喺社交平台上載一家四口為大仔慶祝17歲生日,未被離婚影響心情。
阿Lo處處維護住康子妮,用《復仇者聯盟4》嘅大隻佬發聲喻意話:無論我點做,總會有人認為我做得唔好!睇見都戥佢陰功!
阿Lo處處維護住康子妮,用《復仇者聯盟4》嘅大隻佬發聲喻意話:無論我點做,總會有人認為我做得唔好!睇見都戥佢陰功!

最新回應

關鍵字

相關新聞

熱門文章