星島日報

【獨家】兩公婆陪囡囡公園踩單車 梁詠琪甜拖老公勁溫馨

2020-09-10 01:10
雖然身處公園,但一家三口唔敢鬆懈繼續戴口罩,Gigi拖實老公囡囡就喺旁邊踩住單車,感覺好治癒。
雖然身處公園,但一家三口唔敢鬆懈繼續戴口罩,Gigi拖實老公囡囡就喺旁邊踩住單車,感覺好治癒。

繼「歌神」許冠傑、郭富城及陳奕迅分別開網上Show為港人打氣及為業界籌款後,上周梁詠琪(Gigi)亦為建築工友義唱籌款紓困。喺籌款Show上,Gigi笑言雖然目前唔可以去旅行,但「踏上草地已經好開心。」靚媽冇吹水,記者經常見到Gigi一家三口喺數碼港公園玩,唔使錢又可以呼吸新鮮空氣,更可以畀5歲半嘅囡囡Sofía放吓電,一舉幾得。話口未完,日前《頭條日報》記者又見到呢個靚人混血家庭出現喺數碼港,今次係陪囡囡踩單車,日落前離開,行返上車前,Gigi突然挨實老公再伸手攝落老公隻手,一秒拖實好Sweet呀。採訪︰譚壹致

雖然身處公園,但一家三口唔敢鬆懈繼續戴口罩,Gigi拖實老公囡囡就喺旁邊踩住單車,感覺好治癒。
雖然身處公園,但一家三口唔敢鬆懈繼續戴口罩,Gigi拖實老公囡囡就喺旁邊踩住單車,感覺好治癒。
GiGi一去到公園就同囡囡玩奔走熱吓身。
GiGi一去到公園就同囡囡玩奔走熱吓身。

梁詠琪點解會舉行打氣音樂會為建造業工友籌款?全因Gigi睇新聞見到工友就算疫情嚴峻仍堅守崗位如常工作,又因「禁堂食令」而被迫喺街食飯,Gigi看在眼裏覺得好難過,所以就希望為工友出一分力,真係好人一生平安。

Sofía真係好得意
  日前下晝3點,好鍾意踏草地嘅GiGi同老公及囡囡戴晒口罩又去咗數碼港公園玩,今次玩咩?兩母女玩跑步掂樹,玩法係向住樹跑,跑幾步然後掂吓棵樹就完成,唔好笑,咁去公園梗係郁吓啦!之後兩公婆就陪囡囡踩單車,踩咗一陣就冇踩,小妹妹好黐媽媽,人哋啲小朋友放電會周圍走,Sofía就玩奔向媽媽再緊緊攬實,畫面好Sweet,接近傍晚夠鐘走人,囡囡踩住單車走,Gigi就主動貼近老公再拖實慢慢行上車,好溫馨呀!

奔走遊戲好簡單,就係兩母女各自跑再掂吓棵樹。
奔走遊戲好簡單,就係兩母女各自跑再掂吓棵樹。
Sofía好黐媽媽,去公園玩都冇周圍走。
Sofía好黐媽媽,去公園玩都冇周圍走。

Sofía仲要奔向媽媽攬到實,Gigi個心應該甜到起膠。
Sofía仲要奔向媽媽攬到實,Gigi個心應該甜到起膠。
Sofía踩到攰,爸爸幫手拖住架單車。
Sofía踩到攰,爸爸幫手拖住架單車。
日前GiGi舉行《抗疫關愛行動:梁詠琪打打氣音樂會》為建造業工友籌款。
日前GiGi舉行《抗疫關愛行動:梁詠琪打打氣音樂會》為建造業工友籌款。
11年,GiGi跟相識半年的Sergio Crespo Gutes閃婚,婚後第4年誕下女兒Sofia。
11年,GiGi跟相識半年的Sergio Crespo Gutes閃婚,婚後第4年誕下女兒Sofia。

最新回應

關鍵字

相關新聞

熱門文章