【維港會】回家見大門被標貼「嚴禁吸煙」 網民批鄰居多事反被轟

市民在屋內吸煙的二手煙如果飄到屋外影響到鄰居，到底是否有責任？有網民在「連登」發圖文，稱回家見到大門被人貼上「嚴禁吸煙」的標貼，怒斥鄰居多事。

網民說，「老竇係煙民，一日在屋企食幾次煙，最近心情煩躁食多咗嘅，我有時趁佢唔在家都會食…點知今日返到屋企見到大門貼咗張嚴禁吸煙」

網民質疑，「原來自己屋企係唔食得煙架」，媽媽與姐妹都未出聲，不滿現在在街上「已經少咗食煙的空間，在屋企都要俾人管」。網民又批評，「懷疑係樓上（鄰居）做，幾年前佢投訴過有煙味煙到佢，有乜三口六面講清楚，最憎小人」。

其他網民反應兩極，有人認為「你啲煙煙到人呀，你係屋企大聲播歌有噪音一樣搞到人啦，你咁巴閉閂埋門開冷氣食囉」、「樓上投訴得你證明你真係好影響到人囉，好意思學人講自由，你樓上係自己屋企都要陪你生肺癌」、「屋企食煙唔犯法，但煙到人就賤格，你啲樓上樓下舒舒服服喺屋企休息，突然飄過一陣臭煙味，唔通你就正確？你有冇考慮吓其他人？討厭到極」

不過也有網民支持事主，「裝cam，下次再搞就報警，呢啲唔可以姑息」、「件事唔關煙唔煙剷，而係屋企私人範圍都要管，係自由問題」。