星島日報

【獨家】新歌主動寫詞嚇窒監製 Anson [email protected]自爆中學俾女飛

2020-09-04 02:23
Anson Lo主動提出為《Burn Out》寫詞一度嚇窒監製Edward Chan。
Anson Lo主動提出為《Burn Out》寫詞一度嚇窒監製Edward Chan。

Anson Lo(盧瀚霆)繼《一所懸命》後推出第二首單曲《Burn Out》,更首度親自作詞。他坦承最初主動話負責寫詞而嚇窒監製,幸好最後靠香薰蠟燭搵到靈感,更自爆創作時想到中學跟同班女同學拍拖慘被飛經歷。另外,Anson近日再有新嘗試,就是遠赴台灣拍攝首部偶像劇,他坦承起初好緊張,幸好早前經過拍《男排女將》訓練,令他對演戲興趣大增。撰文:杜淑霞 攝影:李維隆 髮型:Lydia Yung&Denny [email protected] Private I Salon 化妝:Giann,Cori @Annie G. Chan Centre 服裝:D-Mop 場地:JAS Party&Studio

Anson Lo主動提出為《Burn Out》寫詞一度嚇窒監製Edward Chan。
Anson Lo主動提出為《Burn Out》寫詞一度嚇窒監製Edward Chan。
Anson形容《Burn Out》是自己嘔心瀝血作品,希望下次能創作一首包辦曲詞的慢歌。
Anson形容《Burn Out》是自己嘔心瀝血作品,希望下次能創作一首包辦曲詞的慢歌。





這次作詞決定原來是Anson聽完Demo後主動向監製Edward Chan提出,不過這舉動竟嚇窒了對方,「佢話『吓!』我話係呀真係好想作,可能OK。佢就覆我『OK!wait for good new.』但我突然覺得好大壓力,如果返嚟嗰個唔係good new咪死梗,但係我覺得既然想作就作好佢啦!」

新歌以蠟燭做主題,原來亦跟Anson中學一段情有關。
新歌以蠟燭做主題,原來亦跟Anson中學一段情有關。
Anson為拍《Burn Out》MV有更fit外形,連續30小時未有進食。
Anson為拍《Burn Out》MV有更fit外形,連續30小時未有進食。




Anson限自己一周內要完成歌詞,但想了幾晚都未搵到主題,一晚打算放棄吹熄香薰蠟燭去瞓,反而得到靈感,「突然間啲煙冒起,一吹就熄咁鬼易嘅,好似一段關係咁,令我突然諗起中五、六一段感情,我同個同班女同學拍拖,唔係初戀嚟,我諗半年度佢就突然間同我講分手,係SMS講但冇原因嘅,我覺得好無奈,keep住SMS轟炸佢,但佢唔覆,返到學校佢又當我好似陌生人咁,我同佢講嘢佢又唔睬我,我覺得分手唔緊要,但起碼畀個原因我。可能好多人試過呢個經驗,或者分手後好想同嗰個人一齊返,好多人會有同感,所以我就用咗蠟燭同分手掛鉤嘅一個主題。」



Anson近日已飛到台灣拍偶像劇《超感應學園》,他承認早前演出《男排女將》對今次演出有好大幫助,「拍《男排》角色對白多好多,一開始我太緊張,集中唔到又享受唔到,口又震晒,大家笑我好chok,又話個偶包(偶像包袱)仲喺度,我唔係專登chok,因為太緊張嘅氛圍,唔可以好似正常人咁講嘢,去到中期好咗好多,令到我覺得記劇本唔係一件咁難嘅事,一開始通知去台灣都驚,但拍完《男排》對拍劇大興趣好多。」

Anson搵來肥仔為《Burn Out》編舞,拍MV時肥仔跟到足相當落力。
Anson搵來肥仔為《Burn Out》編舞,拍MV時肥仔跟到足相當落力。
Anson父母一直好支持他入行,媽咪更會經常鞕策他。
Anson父母一直好支持他入行,媽咪更會經常鞕策他。

最新回應

關鍵字

相關新聞

熱門文章