一家四口又去沙灘玩 Jessica C美國避疫好快活

因為去年的社會運動及新冠肺炎，名模Jessica C.同老公安志杰舉家搬回美國生活，兩公婆都對陽光與海灘情有獨鍾，時不時都帶同3歲半囡囡Tessa和2歲囝囝Elvis去曬太陽共享家庭樂，順道大哂33C超Fit Model身材。

今日Jessica C.又上載沙灘家庭樂合照，從照片可見當地天朗氣清，唔去玩認真嘥晒。Jessica C.與老公安志杰都擁有完美模特兒外形，有機會當然要Show吓。雖然生咗兩個小朋友又唔使出Show，但名模Jessica C.都冇偷懶，努力Keep好身材，着起三點式相當養眼，而老公安志杰則穿起白色長Tee，雖然冇肌肉能見度係零，但仍然睇得出身形好壯。囡囡Tessa和Elvis盡得父母美貌真傳，十分可愛。絕對係顏值爆燈的一家人，加上優美如畫的陽光與海灘，香港人睇到張相應該相當葡萄。