星島日報

離開TVB唔使再做下靶位  變身主角艾威:𠵱家搵錢比以前多

2020-08-26 19:27
艾威接受苑仔節目訪問,大談當日離巢感受。
艾威接受苑仔節目訪問,大談當日離巢感受。

早前傳出婚變的艾威日前接受好友苑瓊丹邀請,亮相香港開電視《開工大吉77》,艾威就話苑仔是自己「債主」,因此隨傳隨到做訪問:「上年有一件事佢幫咗我大忙,我話要請佢食飯答謝,點知唔夠佢快手爭埋單,搞到人情債愈滾愈大,所以佢話做嘉賓即刻答應。」

節目中艾威自爆真名原叫「徐威信」,因為星途向師傅關海山請教:「蝦叔佢係我師傅,佢話我個名唔太似戲行啲人,所以叫我改名,我改『艾威』係因為『艾』字相對西化,『威』字就好剛猛。當時入行有人教我搵個師傅做榜樣,跟住佢做就走少啲冤枉路,所以我就拜師學藝喇。」

艾威接受苑仔節目訪問,大談當日離巢感受。
艾威接受苑仔節目訪問,大談當日離巢感受。
艾威就話苑仔是自己「債主」,訪問會隨傳隨到。
艾威就話苑仔是自己「債主」,訪問會隨傳隨到。

艾威指行內有三位前輩令自己佩服,將角角活現鏡頭前:「蝦叔、鵬哥(盧海鵬)、羅家良佢地三個唔會『唸口枉』,係用個心去記台詞,我發現死背對白係唔會演好場戲。」艾威坦言視演員為終身職業,但發展到某階段,開始發主角夢:「人可能係貪心,你會覺得主角嘅戲先有血有肉,綠葉當然好重要,但係都想參與大劇、大電影,但你知道自己嘅定位,唔會有突破,甚至有製作人同我講,佢地曾經向高層推薦我去一定位置,但被高層否決。」

早年艾威被舊同學王維基邀請加盟,離開服務33年的舊公司:「有次校友會聚會,佢話會開電視台,問我『過唔過去幫手?』我都未傾錢即刻話過!以前唔走係因為冇第二個台之嘛,咁多年都係喺下靶位,咁梗係走啦!」

艾威亦透露離開後,搵錢比以前多,更多機會參演幕前的崗位:「以前我連遊戲節目都未試過,𠵱家做過旅遊節目主持、做過主角、出書做作者等,疫情下我咪拍吓短視頻,亦準備再寫書,咩都試吓。」

艾威好尊重已故師傅蝦叔。
艾威好尊重已故師傅蝦叔。
離開TVB後,艾威唔使只係做閒角。
離開TVB後,艾威唔使只係做閒角。

離婚後,艾威適應緊新生活。
離婚後,艾威適應緊新生活。
目前艾威同愛犬相依。
目前艾威同愛犬相依。

最新回應

關鍵字

相關新聞

熱門文章