星島日報

上陳志雲節目爆喊認出櫃 44歲小肥:仲好緊張,但我自豪

2020-08-13 12:00
小肥(左)於陳志雲的YouTube節目《Stephen.傾》中認出櫃!
小肥(左)於陳志雲的YouTube節目《Stephen.傾》中認出櫃!

44歲小肥(徐智勇)入行13年絕少緋聞,早年更因於微博關注多名大隻男,而遭網民質疑是同性戀者,當時他激動澄清:「我唔係基,但唔歧視同性戀。」未料,近日小肥接受陳志雲的YouTube Channel節目《Stephen.傾》訪問時,忽然宣佈「出櫃」!

小肥(左)於陳志雲的YouTube節目《Stephen.傾》中認出櫃!
小肥(左)於陳志雲的YouTube節目《Stephen.傾》中認出櫃!
該節目將於今晚(13日)播出。
該節目將於今晚(13日)播出。

被志雲問到是否喜歡男人?通常點耍開這些問題?小肥略帶緊張表示:「我會輕輕帶過囉。(點解唔肯直接答呢?)未準備好,其實一路都驚,心裏面有啲負擔...…去到28歲先確定某啲嘢,我28年都否定緊自己某啲嘢,係習慣咗,同埋一個恐懼,自己都驚咗,如果承認會點呢?」他續指,直至2017年製作專輯《睡前服》,監製康家俊稱專輯主題是要坦白,令小肥忽然頓悟,「我想坦白,但好難衝破,唔知點解。(你而家等於承認自己嘅性取向?)係,我第一步俾咗你,哈哈!唔知點解你一問,我就覺得好似係時候要行呢一步。」似乎鬆一口氣的小肥亦忍唔住當場灑淚。

今晨小肥於IG留言:「仲好緊張,但我自豪。」
今晨小肥於IG留言:「仲好緊張,但我自豪。」

當消息傳出後,今晨小肥又於社交網出Po:「驚魂未定……嚇親大家,唔好意思。仲好緊張,但我自豪。」一眾圈中好友方力申、林奕匡、陳慧敏等也紛紛留言為他打氣。

最新回應

關鍵字

相關新聞

熱門文章