拍《迴光物語》MV體力大考驗 Jer@MIRROR獲兄弟Anson Lo力撐

2020-08-12 10:00
Jer今次拍MV,獲好兄弟Anson Lo力撐。
Jer今次拍MV,獲好兄弟Anson Lo力撐。

MIRROR成員柳應廷(Jer)今日推出新歌《迴光物語》,早前為拍攝MV,Jer在酷熱天氣警告下特別前往鄰近邊境的蓮蔴坑礦洞取景,為拍攝最靚畫面在所不惜。《迴光物語》的MV講述Jer化身外星人,從第二個星球來到地球後的故事。為了靚景,拍攝當日Jer與工作人員先要搭半小時的車到達山頂,然後再登山100米,再落山,才能到達蓮蔴坑礦洞。從未試過行山的隊友Anson Lo,為了陪伴Jer,更奉獻第一次畀對方,認真夠兄弟。


Jer今次拍MV,獲好兄弟Anson Lo力撐。
Jer今次拍MV,獲好兄弟Anson Lo力撐。
Anson Lo奉獻第一次行山經驗畀Jer。
Anson Lo奉獻第一次行山經驗畀Jer。



Jer回想行山過程也不禁嘆道,這次是體力大考驗,「拍MV過程最辛苦係行山,雖然我平時都會行,但經過上次睇景試行之後,今日(拍攝當日)體力好透支,自己孭咗好多衫同水,拍攝時仲要着3、4件長袖衫又戴帽,喺酷熱天氣下,要長期用風扇吹住自己,等自己可以喺戶外底下個妝都唔會溶。」被問到可會再次行山拍MV,Jer也猶豫回答:「我都唔肯定,我唔知體力方面可唔可以頂到,同埋我見大家都好辛苦,實在唔忍心!」



說到拍攝MV是體力的挑戰,今次演繹《迴光物語》對於Jer來說亦是音域上的挑戰,「今次呢首歌難度係音域較闊,Carl叔叔(王雙駿)要我用好澎湃情感去演繹呢首歌,到歌曲尾段係有少少難度,《迴光物語》比《水刑物語》難十倍,所以之後唱Live都有少少驚,但要練多啲,等自己唱好啲。」

Anson Lo為防Jer溶妝,全程用風扇幫對方散熱。
Anson Lo為防Jer溶妝,全程用風扇幫對方散熱。
為了這個景Jer覺得辛苦也值得。
為了這個景Jer覺得辛苦也值得。

Jer在酷熱天氣曬住拍,一點都不容易。
Jer在酷熱天氣曬住拍,一點都不容易。
關鍵字

最新回應

關鍵字

相關新聞

熱門文章