星島日報

【維港會】小店「捱打」一年整月無工開 良心業主雪中送炭免租1個月

2020-08-04 12:03
良心業主主動減租。資料圖片及
「香港免佣租屋網」FB
良心業主主動減租。資料圖片及 「香港免佣租屋網」FB

疫情持續大半年,各行各業都飽受衝擊,當中最苦莫過於一班捱貴租的小店。不過人間有情,有小店就遇到好心業主,主動共度時艱免租一個月,令店主感嘆幸運遇到好業主。

有小店店主在「香港免佣租屋網」Facebook專頁發文,「唔知大家有冇我咁好彩呢?啱啱從whatsapp收到我業主通知,『我同拍檔談過,免你一個月租。』」店主表示,今年已是自己租舖第5年,而他平時和業主關係也不錯,「有兩句傾」。雖然過去這一年一直在「捱打」, 今個月更完全無工開。但店主一直都無開口要求減租, 因為業主本身已平過市價租給他 ,難以啟齒開口再叫減租,但這種時刻業主就主動「雪中送炭」。

店主表示,自己租的地方算幾好,如果不租也難再找到相同的地方,因此不認為業主是怕租不出去才減租。 他租的是「三四線鋪」,可以和業主「就一就」,但坦言以前也遇過無良業主,「好業主同好租客都係可遇不可求」。店主也有感恩之心,因此也回覆業主表示願意交一半租。

不少網民都感動人間有愛,「真係好難得 ,雙方都唔係金錢行頭」,但也有不少同樣開店做生意的網民就未有好待遇,「我同業主講,租到8月尾完一年死約 唔再續租,因為負擔唔起,佢已讀不回我」、「我哋住緊呢度係大業主, 即係成棟樓都係同一個業主, 交咗畀物業公司管理, 根本就唔會你個市發生咩事... 每兩年會續次每次都會加1500至2000 左右, 因為佢覺得你唔租仲有大把人租」。

最新回應

關鍵字

相關新聞

熱門文章