星島日報

成為JOOX TOP次贏家   出道一年「人氣王」姜濤追住前輩打

2020-07-31 11:30
「人氣王」姜濤掃四獎追住前輩胡鴻鈞嚟打,「幸福人妻」莫文蔚憑實力取勝。
「人氣王」姜濤掃四獎追住前輩胡鴻鈞嚟打,「幸福人妻」莫文蔚憑實力取勝。

音樂串流平台JOOX發布本年度第二張「JOOXTOP 聽推介」55個獎項成績表,莫文蔚的《飛虎之雷霆極戰》主題曲《呼吸有害》登上「TOP聽推介OST」主題曲榜首;胡鴻鈞奪5獎力壓獲4獎嘅「人氣王」姜濤,出道僅一年嘅姜濤,雖然只輸咗一個馬鼻,但他仍然開心滿足說:「希望以後能用作品說話,唔好令喜歡我嘅人丟臉。」至於組合Dear Jane、林家謙平分春色各有3個獎。

 

 

姜濤憑歌曲《蒙著嘴說愛你》成為「本地推介歌曲」、「樂迷最愛K歌」、「樂迷最愛本地歌曲」、及「TOP SING推介K歌」4個獎項好豐收,合共吸納到接近50萬張選票,他說:「我好鍾意呢首歡,因為能夠讓聽歌嘅人感受到正能量。有機會嘅話,我想同全身都有滿滿正能量嘅前輩周柏豪合作,任何獎項對我都係最大嘅鼓勵,我會繼續努力。今年嘅第二首單曲已經進入最後錄音階段,雖然身在台灣,但仍會努力完成,希望以後能用作品說話,唔好令喜歡我嘅人丟臉。」

 

近日同老公喺意大利度假的莫文蔚(Karen)回應表示:「我啱啱推出咗呢首歌嘅動畫終極版MV,亦將會推出一個慈善BoxSet,希望可以為一啲受疫情影響嘅電影工作者籌款,大家可以多多支持。」

 

 

而胡鴻鈞分別憑電視劇《降魔的2.0》嘅插曲《凡人不懂愛》及主題曲《十字路口》獲「TOP聽推介OST」第二、三位及「樂迷最愛OST」,更登上了「TOP聽推介ARTIST」第六位及「樂迷最愛Artist」寶座,睇嚟事業愛情兩得意。

 

林家謙的《一人之境》獲「TOP SING推介K歌」第一位及「TOP聽推介本地歌曲」第二位,亦係「TOP聽推介ARTIST」排行榜第十位。持三獎的他表示:「疫情期間要保持社交距離,難免為大家添上一份孤獨感,但唔好感到沮喪,希望我呢首歌喺疫情下有一種陪伴。下個目標希望可以跟Aga、陳蕾、周杰倫合作。」

 

至於Dear Jane嘅《銀河修理員》成為「TOP 聽推介本地歌曲」第一位,及「TOP SING推介K歌」及「TOP聽推介ARTIST」第二位。Dear Jane四子異口同聲表示,好鍾意呢首得獎歌曲,因為歌曲道出真愛並不完美。

「人氣王」姜濤掃四獎追住前輩胡鴻鈞嚟打,「幸福人妻」莫文蔚憑實力取勝。
「人氣王」姜濤掃四獎追住前輩胡鴻鈞嚟打,「幸福人妻」莫文蔚憑實力取勝。
靚仔姜濤喺舞台上好有魅力。
靚仔姜濤喺舞台上好有魅力。

莫文蔚同老公去旅行不忘為電影工作者籌款出力。
莫文蔚同老公去旅行不忘為電影工作者籌款出力。
好耐冇出唱片嘅Dear Jane最近正忙於錄製大碟《Limerance》。
好耐冇出唱片嘅Dear Jane最近正忙於錄製大碟《Limerance》。

林家謙都有好多粉絲力撐。
林家謙都有好多粉絲力撐。

最新回應

關鍵字

相關新聞

熱門文章