星島日報

【有病容】等足四日才入院   鄧達智面腫腫精神較前差

2020-07-29 10:00
(右圖)確診幾天,鄧達智留喺屋企等入院,(左圖 本報最新圖片)直至昨晚坐白車入院,但攰到目無表情,明顯有病容。
(右圖)確診幾天,鄧達智留喺屋企等入院,(左圖 本報最新圖片)直至昨晚坐白車入院,但攰到目無表情,明顯有病容。

62歲時裝設計師鄧達智(William)上周五(24號)初步確診新冠肺炎,因為公立醫院牀位不足,他只能留守元朗屏山村家中隔離,等咗4日3夜,直至噚晚10點由救護車送入觀塘聯合醫院。昨晚黑色裝扮,戴上口罩嘅鄧達智帶住隨身物品,自行步上白車,無需救護人員協助,但上半截面帶點浮腫,從眼神可見,精神比日前略差。

 

他接受本報訪問時表示,抵院後,由兩名醫護人員陪同上病房,幸好被安排入住一間雙人房,房內唔會有太多病人。因為上到病房經已係晚上11點幾,暫未見到醫生,不過有護士為他做抽血、量血壓、探熱等基本檢測,搞到冇得瞓,兼且之前一晚瞓得唔好,頭重重,聲沙沙,有兩聲咳,有少少唔舒服,狀況係比前差咗啲嘅,但一切等今朝見醫生再算,眼前最重要係瞓返個靚覺。不過他喺醫院陌生環境似乎瞓唔着,直至清晨六時WhatsApp仍在上線中。

(右圖)確診幾天,鄧達智留喺屋企等入院,(左圖 本報最新圖片)直至昨晚坐白車入院,但攰到目無表情,明顯有病容。
(右圖)確診幾天,鄧達智留喺屋企等入院,(左圖 本報最新圖片)直至昨晚坐白車入院,但攰到目無表情,明顯有病容。
伴侶陳梓欣(陳醫生)列入緊密接觸者,已被安排入住駿洋邨隔離。
伴侶陳梓欣(陳醫生)列入緊密接觸者,已被安排入住駿洋邨隔離。

最新回應

關鍵字

相關新聞

熱門文章