星島日報

【禁堂食】屋企開飯仔女嘈到拆天   林盛斌無奈搖頭兼反白眼

2020-07-28 11:30
細仔道申、大女霏霏都講到企晒起身好激動,二女熹熹講埋一份,細女機機坐住媽咪大脾,Bob嫂反而聽到笑晒口。
細仔道申、大女霏霏都講到企晒起身好激動,二女熹熹講埋一份,細女機機坐住媽咪大脾,Bob嫂反而聽到笑晒口。

新冠肺炎社區大爆發,政府宣布加辣抗疫措施,包括周三起全港食肆禁堂食擴及全日。林盛斌(Bob)昨晚上載一家6口坐喺飯桌前開飯情形,留言:「其實冇得出去食飯都好嘅,費事嘈親隔離枱啦...........」

 

片中Bob跟老婆同4個仔女食飯時,討論話題時你一言我一語,嘈到拆天,基本上聽唔到講緊乜,只係傳來女聲講: 聽我講先..畀我啦...唔係咁呀...大女霏霏激動地講到企晒起身,手舞足蹈,細仔就企喺張櫈度猛講BB話,見慣「大場面」嘅Bob嫂一咪笑笑口,耐心聆聽仔女訴求,Bob卻無奈搖搖頭,冇晒老婆仔女辦法。

 

梁家玉留言:「真係好正」、陳詠謙話「好澎湃」、許家傑坦言「日日係咁真係會爆炸」,阿Bob回應係!唔少網友話「笑死」、「攞你命三千」「做完嘢返到屋企,見到咁情景真係人都癲」、「珍惜珍惜,當他們成長後就會愈來愈少」、「三個女人一個墟,何況有四個咁多,細佬明顯輸晒啦!」、「幸福的家」、「bob表情好正」。

細仔道申、大女霏霏都講到企晒起身好激動,二女熹熹講埋一份,細女機機坐住媽咪大脾,Bob嫂反而聽到笑晒口。
細仔道申、大女霏霏都講到企晒起身好激動,二女熹熹講埋一份,細女機機坐住媽咪大脾,Bob嫂反而聽到笑晒口。
林盛斌一家6口,相當熱鬧溫馨,不過阿Bob嫌屋企太嘈吵。
林盛斌一家6口,相當熱鬧溫馨,不過阿Bob嫌屋企太嘈吵。

4姊弟相處和睦。
4姊弟相處和睦。

最新回應

關鍵字

相關新聞

熱門文章