星島日報

【維港會】完成隔離者飽受白眼 街坊避之不及打招呼即掉頭走

2020-07-27 12:31
網民在Facebook群組發帖哭訴備受歧視。網圖
網民在Facebook群組發帖哭訴備受歧視。網圖

新一波疫情下人人自危,發現同住屋苑有確診者,更是唯恐避之不及。有密切接觸者在網上發文,指自己隔離完後,飽受街坊白眼,連打招呼都會被避開,令她非常受傷。帖文引起熱議,有人同情隔離者,亦有人表示理解街坊的態度。

網民在Facebook群組發文,指自己是曾經被定為密切接觸者、需要被送往駿洋邨的人士。她明白大家都很怕被傳染,因此作出不理性的行為,例如官方基於私隠理由,不會公開層數座數,但市民都會去起底,「但大家發放一啲訊息出嚟嘅時候,往往以訛傳訛、道聽途說、又唔去fact check。咁就一傳十、十傳百,連累咗唔知幾多無辜嘅人。」

網民說,在這14天的隔離,她非常不好受,一開始每日都會哭泣,又擔心連累家人。完成14天的隔離回家,以為可以鬆一口氣,但原來不過是惡夢的開始。「各位街坊街里個個對我哋評頭品足,又話隔離14天不夠、又話潛伏期可以好耐。返工搭lift,明明已經開咗鐵閘、一隻腳已經踏出家門,都即刻閂返門入屋,一係就落下一層搭lift。」甚至網民的媽媽跟街坊打個招呼,街坊都即刻掉頭走。

網民哭訴,作為被隔離人士及其家人,造成好大嘅無形壓力,自己也是受害者,「大家美其名希望知道邊層邊個單名、可以加強清潔消毒,但實質知道後見到我哋就好似見鬼咁!香港人,唔好咁假咁虛偽啦!到真係確診咗先去加強注意衞生,已經太遲啦!」

帖文引起網民熱烈討論,有人同情樓主,「明白你嘅痛苦......人人係唔知自己有無病既情況下,的確無咩資格歧視人」、「其實香港人真係無乜公德心同個人品德」,但亦有人認為街坊的表現有情可原,「與其話歧視,其實大家都係出於恐懼,怕會死」、「咁都可以話人歧視,你哋呢啲人就真係難服侍啦」。另外也有身同感受的醫護鼓勵樓主,「我係醫護,疫症期間亦受唔少你嘅遭遇。佢哋唔係歧視,而係害怕。睇開啲,唔使理其他人嘅眼光。」

最新回應

關鍵字

相關新聞

熱門文章