名模Amanda S.限定甜品店開幕 樂基兒孭仔撐場

名模Amanda S.呢期好活躍，為香港開電視嘅全新旅遊節目《神奇旅俠》做主持，帶觀眾深度遊倫敦。籌備數月，將開設半年嘅期間限定甜品店Flakes ＆ Layers又啱啱開張。前日，名模老闆親自招呼賓客，同期名模，做咗阿媽嘅樂基兒(Gaile)更孭住一歲三個月嘅囝囝Hunter撐場，佢狂讚招牌千層Ooonuts好正，唔太甜又唔漏，更力推雲尼拿味。

戴住口罩嘅Hunter好得意，不斷四圍望，亦眼仔碌碌望住Auntie Amanda整甜品。