【維港會】染髮大媽疑港鐵車廂小便 網民：仲要不斷轉位坐

新一波疫情下政府規定港鐵站內必須戴口罩，市民也格外關心港鐵衛生。不過有市民就驚見有一名大媽在地鐵上隨處小便，更不斷換位坐，有播毒風險，引起網民關注。

網民在「將軍澳主場」Facebook群組發文，指已第二次見到同一名大媽在地鐵上小便，今次更是「M血尿」，「由港島線到北角線再轉車坑口站落......佢仲要不斷轉位坐......而且啲人成日望都唔望坐落去」。只見相中一名穿白衣、正在染髮的大媽，旁若無人地玩手機，望落坐得端正，亦有戴好口罩。但再向下望去，只見一攤水漬在大媽腳下，順著地鐵開的方向，向旁邊乘客腳下流去，拖出一條長長的痕跡。「兩次都有通知職員但佢地只係話會搵人清潔，請大家小心，坐之前望清楚」。

帖文令大批網民感到崩潰，「有時見到地下有條水痕，以為係啲人買餸滴水出，完全無諗過係尿」，更有不少網民都表示曾見過疑似這位大媽的人出沒，「我見過佢兩次，晚晚個頭都搽晒護髮素出嚟」、「有次見佢係鰂魚涌搭向油塘方向，又係痾完，行去另一車廂換位再坐再痾，不停係咁」，更有人見過她一邊敷面膜和染其他髮色的造型，「似精神有問題喎，又一邊染髮一邊做mask，古古怪怪，仲賴埋尿，好恐怖！」