【維港會】港媽首次淘寶晒$3000買到皮沙發 網民笑爆太膠似棺材

淘寶有不少「平靚正」的貨品，但亦經常會淘中「伏嘢」。一位港媽第一次在淘寶買沙發，她對自己的戰利品非常滿意，發文炫耀一番，不料卻被網民笑爆，原來港媽所謂的皮沙發「熠熠炅」，外形滑稽如充氣沙發，更有網民形容似棺材，引起熱議。

該港媽昨日在「淘寶開心Share」Facebook群組發文，指自己「第一次淘寶買梳化相當滿意，不用$3000也可以買到皮梳化，平過香港一半！」只見她上載的相片中，灰色的大型皮沙發被打上高光效果，質感彷如塑膠充氣公仔，望落非常堅挺。

網民笑爆這張皮沙發似「墓碑」、「木棺」，有人表示「好耐無笑得咁開心」。有網民就抽水分享自己家中的皮沙發，「我都淘咗張我滿意嘅梳化，唔係真皮，不過都要3000幾」、「我都買咗張滿意嘅梳化喎，唔係真皮，連埋運費3000」，只見網民的「真皮」沙發完全沒有反光，非常低調內斂。

帖文下也有網民留言安慰港媽，「第一次淘已經有咁嘅成就，已經算好唔錯㗎啦」，不過未知港媽是否不想再做話題中心，已刪除貼文。