享受入行後最清閒日子 莫文蔚拖老公意大利拍拖

莫文蔚(Karen)主唱的《飛虎之雷霆極戰》主題曲《呼吸有害》紅遍網路，更吸引不少歌手翻唱，呢首亦係Karen出道27年來，首支香港電視劇集主題曲。雖然好受歡迎，但Karen暫時未能在港公開演唱，因為佢今年喺香港過完年後，就飛去英國陪老公Johannes。

英國經歷過新冠肺炎最嚴重嘅時候，近月稍為回落至每日三位數字確診，留家抗疫多月，近日Karen同老公去咗意大利Lake Como度假，當地確診數同樣已跌至每日百幾，難得可以輕鬆吓，Karen係咁影相兼放上IG，Karen IG一向只放工作相，私人相可以話係零。

佢話「每次去意大利都會勾起很多美好回憶，能與心愛的心在仙境一般的Lake Como牽手共度時光，真的要好好珍惜。 」