星島日報

【新冠肺炎】除罩與施匡翹做訪問  DJ林子謙要入駿洋邨隔離

2020-07-21 11:00
曾喺節目中冇戴口罩訪問過確診施匡翹嘅林子謙,𠵱家喺駿洋邨隔離中。
曾喺節目中冇戴口罩訪問過確診施匡翹嘅林子謙,𠵱家喺駿洋邨隔離中。

新城電台DJ林子謙曾在節目中冇戴口罩,訪問過碓診歌手施匡翹屬緊密接觸者,因此被衛生署安排入住駿洋邨隔離營接受觀察,他被安排住喺300呎,冇冷氣嘅單位隔離住10日。噚日他喺IG拍片分享隔離生活,片中他邊拍住房間內外環境邊說:「我在駿洋的第一天,3511號房,好白淨嘅廚房同廁所,仲有行李喼、單人牀、窗、望山景,嗨!原來有電視喎!」他還寫道:「當年梁朝偉 tony leung在2046號房寫《2046》的小說,今日 tony lam 在駿洋邨的3511號房寫呢篇ig post,多謝大家關心,好多人想知駿洋邨入面係乜嘢情況,拍咗條片,唔知可唔可以post,但又無人阻我,於是發揮做傳媒的精神!唔理!照拍!照post!」

 

「雖然入面冇冷氣,冇電視(最初以為冇),但可以係一個機會寫個好劇本,睇吓書,整理吓慈善協會啲文件,如無意外30號凌晨出返嚟,大家不用擔心。我很好!這是一個人生體驗。同時,請不要再對那些中了病毒的人講啲難聽說話佢,地都唔想的。」

 

隔離期間每日有醫護為他做檢查,林子謙未有病徵,所以唔驚,他說:「呢個情況冇得好驚。其實係呢個咁厲害嘅疫情環境,好多時都係需要運氣。今日都有一位偉大的醫生染上,所以希望大家都平平安安。染上的盡快康復,做了測試未知結果的,不要驚慌。」

曾喺節目中冇戴口罩訪問過確診施匡翹嘅林子謙,𠵱家喺駿洋邨隔離中。
曾喺節目中冇戴口罩訪問過確診施匡翹嘅林子謙,𠵱家喺駿洋邨隔離中。
林子謙帶埋書本入營解悶,最頭痛反而係冇冷氣,得把風扇吹吹吓,房內有基本設施。
林子謙帶埋書本入營解悶,最頭痛反而係冇冷氣,得把風扇吹吹吓,房內有基本設施。

駿洋邨整體居住內外環境都過得去,仲望山景添。
駿洋邨整體居住內外環境都過得去,仲望山景添。

最新回應

關鍵字

相關新聞

熱門文章