星島日報

開心報喜無中招  何雁詩J. Arie齊為確診宣傳人員集氣

2020-07-20 09:00
未受病毒感染的何雁詩上載和阿佳合照,為對方打氣。另J. Arie檢測報告都係冇事。
未受病毒感染的何雁詩上載和阿佳合照,為對方打氣。另J. Arie檢測報告都係冇事。

女歌手施匡翹和宣傳人員阿佳確診新冠肺炎,由於阿佳曾在7月6日與何雁詩接觸,何雁詩更一度被誤傳係確診者之一,未婚夫鄭俊弘及何雁詩歌迷都非常擔心,昨晨進行深喉唾液測試後,晚上報告顯示病毒呈陰性反應,證實並未被傳染。



何雁詩昨晚即上載一張和阿佳齊擺心型手勢合照報喜,同時為對方打氣,留言:「今次報告出了,報告指我對新冠肺炎呈:陰性反應!昨天(即前天)曾傳出我確診的消息,令很多朋友擔心,幸好今天報告得出結果令自己大家也可以鬆一口氣。現今我最關心的是佳哥和各確診者的健康,希望佳哥好好休息(請不用擔心我們,我地會好好照顧自己㗎啦)接下來的工作會有所調整,以大家安全為重,希望大家理解。最後祝大家身體健康,注意個人衛生,如非必要就不要外出啦!」唔少網民及圈中朋友留言Take care,冇事就好了!  

 

另外,雷深如(J. Arie)亦喺IG報喜,表示自己的檢測結果呈陰性,她開心表示:「雙面哈菲吉人天相,檢測為陰性,多謝你哋同埋所有朋友嘅集氣,念力真係會成功,為大家安全起見,本人會繼續自我隔離,所有宣傳訪問已經改為phone-in或者文字whatsapp,辛苦各位DJ同埋記者朋友&媒體,多謝你哋嘅體諒同埋支持,Meanwhile,我嘅宣傳經理佳哥話齋:THE SHOW MUST GO ON!佳哥你一定會身體健康,好快好返,好人一世平安,我等你返嚟,佳哥𠵱家喺病房,仲繼續send緊工作嘅WhatsApp畀我,就證明佢有幾勤力,大家繼續幫佳哥集氣!辛苦你佳哥!」

未受病毒感染的何雁詩上載和阿佳合照,為對方打氣。另J. Arie檢測報告都係冇事。
未受病毒感染的何雁詩上載和阿佳合照,為對方打氣。另J. Arie檢測報告都係冇事。
鄭俊弘自言安全為重,喺屋企仍要同何雁詩保持距離。
鄭俊弘自言安全為重,喺屋企仍要同何雁詩保持距離。

放下心頭大石的J. Arie雖檢測報告呈陰性,但會改phone-in或者文字whatsapp繼續做宣傳。
放下心頭大石的J. Arie雖檢測報告呈陰性,但會改phone-in或者文字whatsapp繼續做宣傳。
歌手施匡翹受感染,牽連範圍甚廣。
歌手施匡翹受感染,牽連範圍甚廣。

最新回應

關鍵字

相關新聞

熱門文章