星島日報

【台灣隔離】開live唔講嘢晒chok樣  花姐寸姜濤:隔離幾日連嘢都唔識講?

2020-07-20 11:00
靚仔姜濤chok住喺房開live,但全程冇講嘢,被花姐及隊友取笑。
靚仔姜濤chok住喺房開live,但全程冇講嘢,被花姐及隊友取笑。

新冠肺炎肆虐,人氣王姜濤及MIRROR成員Stanley(邱士縉)上周四(16日)出發去咗台灣拍偶像劇,兩人抵台後,喺酒店分開自我隔離14天後才正式入劇組。悶爆嘅姜濤日前無聊影吓酒店房間張雙人大床,鬚根等,雖然咁樣都可以畀姜糖「頂」住先,但大部份姜糖都想睇多啲,唔係幾肯收貨!而且冇見幾日姜B,姜糖真係人都癲。

 

昨晚day 4姜濤終於現身,並玩突然開live,15分鐘直播中,戴住黑色口罩,着住黑色衛衣嘅姜濤開住音樂,坐喺書枱前睇劇本做功課,但仍然不忘撥頭髮,chok住對鏡頭,睇fans回應等,最後他還應粉絲要求,影吓住緊間房係點,又送上一雙笑眼及拜拜手勢,就算冇出過一句聲,仍然2000多人睇他唔講嘢直播。

 

唔少Fans留言話姜濤就算唔出聲,但望住個鏡頭都似女友視覺咁喎,所以就算唔出聲都好鬼正,無聲勝有聲,亦有指可以靜靜地陪伴你好幸福,miss you等。最搞笑係經理人花姐及MIRROR隊友留言寸爆他,花姐說:「老姜,你悶死未?隔離幾日,連嘢都唔識講?」Edan指他扮文青:「乜隔離唔講得嘢㗎咩?」花姐忍唔住插口說:「Edan…你都要去隔離...學習靜啲。」Anson就叫他:「please say something.」隊友同花姐你一句我一句唱和,完全冇欣賞過姜濤嘅chok樣呢!

靚仔姜濤chok住喺房開live,但全程冇講嘢,被花姐及隊友取笑。
靚仔姜濤chok住喺房開live,但全程冇講嘢,被花姐及隊友取笑。
靚仔姜濤唔見幾日,姜糖好掛住呀,唯有睇住靚相先啦!
靚仔姜濤唔見幾日,姜糖好掛住呀,唯有睇住靚相先啦!

日前姜濤經已無聊到影吓自己鬚根,但就唔見真身。
日前姜濤經已無聊到影吓自己鬚根,但就唔見真身。
姜濤影埋酒店房係點,只見一張雙人床及衣櫃,房間唔算大,只係夠用。
姜濤影埋酒店房係點,只見一張雙人床及衣櫃,房間唔算大,只係夠用。

姜濤喺赴台飛機上祈禱,願一切順利。
姜濤喺赴台飛機上祈禱,願一切順利。
姜濤及MIRROR成員Stanley上周赴台準備拍偶像劇。
姜濤及MIRROR成員Stanley上周赴台準備拍偶像劇。
花姐好錫姜濤,雖然成日鬧,但一切在心中。
花姐好錫姜濤,雖然成日鬧,但一切在心中。

最新回應

關鍵字

相關新聞

熱門文章