星島日報

【獨家】讚黎耀祥有晒攻略搶錢 農夫笑言喺Do姐面前冇廉恥

2020-07-19 23:00
農夫好想反過嚟做主持人同Do姐姐玩遊戲。
農夫好想反過嚟做主持人同Do姐姐玩遊戲。

組合農夫C君及陸永自從四年前同Do姐(鄭裕玲)主持《Do姐有問題》後,幾乎年年會再做一次,做到今次第4輯更有默契,喺節目中C君試過心直口快應Do姐:「咪諗緊囉!」即被Do姐罵:「你喝我呀?」互動得相當搞笑。被問到可有尷尬時?C君死撐說:「佢話我唔似人、乞兒咁都唔尷尬啦,喺佢面前係冇廉恥㗎!」採訪:方騫平

農夫好想反過嚟做主持人同Do姐姐玩遊戲。
農夫好想反過嚟做主持人同Do姐姐玩遊戲。
三人合作《Do姐有問題》至第四輯,更見默契。
三人合作《Do姐有問題》至第四輯,更見默契。

農夫承認同Do姐合作得耐經已捉到節奏,明白大家做啲乜,陸永說:「今輯節目最有趣係睇返好多出世前嘅經典劇同昔日台慶片段,原來之前巨星劉青雲、周星馳係咁。」C君:「嘉賓愈年輕愈有趣,好似江嘉敏、劉穎鏇,喺外國返嚟嘅陳豪,完全唔識答,會亂咁答,但好好笑,視帝黎耀祥就最勁,佢睇晒每一集,所以好識玩,憑經驗、智慧、知識上嚟攞你啲錢咁,有晒攻略,唔係單靠運氣。」

因為年輕,馮盈盈、劉佩玥玩遊戲時都要靠估。
因為年輕,馮盈盈、劉佩玥玩遊戲時都要靠估。
張兆輝夠經驗,玩遊戲時邏輯推理好強,憑實力攞到五千多獎金。
張兆輝夠經驗,玩遊戲時邏輯推理好強,憑實力攞到五千多獎金。

限聚令後開音樂會
兩人愈講愈興奮,更出埋鬼主意,好想喺最後一集由我哋做主持,Do姐變嘉賓玩遊戲。C君諗起都覺得好笑:「到時我哋有得喝佢話『快鬼啲答啦,諗幾耐呀!』我哋有提出過,佢好快拒絕,話諗吓先。」陸永話:「佢成日挑剔嘉賓,你估做嘉賓咁易呀?佢近年未必太知娛樂圈嘅嘢,可以考吓佢,TVB最高同最矮藝人同事係邊個?邊個Show錢最多。」另外,今年係農夫20周年,兩年前農夫話過20周年時做10首新歌,加10首舊歌remix,兩人真係做得到:「希望限聚令後,可以喺今年內做到一個新歌發佈音樂會,就算非樂迷入場都會變成樂迷。」

黎耀祥好識玩,C君笑言擺明上嚟攞錢使。
黎耀祥好識玩,C君笑言擺明上嚟攞錢使。
Do姐號召力驚人,吸引稀客鄭秀文及蔡卓妍做嘉賓。
Do姐號召力驚人,吸引稀客鄭秀文及蔡卓妍做嘉賓。
兩年多前農夫喺旺角麥花臣球場開過演唱會,同歌迷承諾過兩年後再見。
兩年多前農夫喺旺角麥花臣球場開過演唱會,同歌迷承諾過兩年後再見。

最新回應

關鍵字

相關新聞

熱門文章