星島日報

唔見孻仔老竇  張栢芝同鬍鬚勇撐枱腳食中菜過節

2020-06-22 11:00
久未露面嘅「鬍鬚勇」狀態大勇,栢芝見老竇身體健健康康梗係好開心啦。
久未露面嘅「鬍鬚勇」狀態大勇,栢芝見老竇身體健健康康梗係好開心啦。

話時話,張栢芝老竇「鬍鬚勇」好耐冇「蒲頭」,平日活躍社交網嘅張栢芝,上載嘅相片都係以日常生活點滴,開心分享三個寶貝仔動態為主。不過,趁昨日父親節,栢芝爸爸「鬍鬚勇」竟然罕有地現身,久未露面的「鬍鬚勇」精神不錯,父親節仲去咗酒樓食大餐,食得津津有味。但孻仔「小王子」張禮承嘅生父就繼續隱形。

 

傳栢芝近日劈價至1.4億,成功售出中半山世紀大廈豪宅,帳面獲利約1,200萬元。另外,她又創立自家時裝品牌,吸金力強,生活無憂。昨日她喺IG時限動態中放咗多段家務日短片,包括喺屋企泳池旁晾衫、晾被單,還介紹陪伴咗兒子10年嘅馬騮布公仔。之後就跟男神爸爸「鬍鬚勇」去傳統酒樓食飯慶祝,見枱面有節瓜粉絲煲、豬紅、燒味拼盤、西蘭花帶子、螺頭雞腳湯渣等,相信係「鬍鬚勇」最愛餸菜,有愛女相伴,他食得十分開懷,戴住太陽眼鏡的「鬍鬚勇」保養得宜,片中大大隻,好精神。栢芝借用電影鍾無艷劇情對白,留言:「女兒會用盡一切的承諾保守直到永遠,父親節快樂#鍾無艷」,「食得是福,父親節快樂,祝天下所有父親身體健康最緊要#天下所有父親#男神#時尚爸爸」網民大讚栢芝很孝順,讚她會很有福氣。

久未露面嘅「鬍鬚勇」狀態大勇,栢芝見老竇身體健健康康梗係好開心啦。
久未露面嘅「鬍鬚勇」狀態大勇,栢芝見老竇身體健健康康梗係好開心啦。
張栢芝視老竇係男神。
張栢芝視老竇係男神。

「鬍鬚勇」胃口大開,點咗唔少傳統中國餸菜。
「鬍鬚勇」胃口大開,點咗唔少傳統中國餸菜。
栢芝係小富婆生活無憂。
栢芝係小富婆生活無憂。

栢芝好享受做家務樂趣。圖中曬晾嘅馬騮布公仔跟咗兒子十年。
栢芝好享受做家務樂趣。圖中曬晾嘅馬騮布公仔跟咗兒子十年。
孻仔「小王子」張禮承嘅生父喺父親節依然冇影。
孻仔「小王子」張禮承嘅生父喺父親節依然冇影。

最新回應

關鍵字

相關新聞

熱門文章