星島日報

【頭條獨家】為停工樂手籌錢歌手冇反應 周啟生狂呻:真係好契弟

2020-05-03 21:00
出錢出力
周啟生見唔少職業樂手手停口停,連交租都成問題,生活好拮据,所以籌劃呢個「救命行動」。
出錢出力 周啟生見唔少職業樂手手停口停,連交租都成問題,生活好拮据,所以籌劃呢個「救命行動」。

政府延長「禁聚令」至本月7日,夾Band出身的音樂人周啟生眼見夜場及演唱會等喺疫情下要關閉及停開,多年嚟跟他合作無間嘅職業樂師,全部都手停口停,身陷絕境,有情有義的周啟生即發起「愛港@你+我」網上音樂會幫等錢開飯嘅職業樂師搵救命錢,但好多和樂師唇齒相依嘅歌手們對音樂會反應冷淡,有歌手更已讀不回,周啟生慨嘆世態炎涼,更指歌手們:「愈發財愈唔立品,唉,真係好契弟。」採訪:方騫平

出錢出力
周啟生見唔少職業樂手手停口停,連交租都成問題,生活好拮据,所以籌劃呢個「救命行動」。
出錢出力 周啟生見唔少職業樂手手停口停,連交租都成問題,生活好拮据,所以籌劃呢個「救命行動」。
手足情深

周啟生和一班職業樂手情如兄弟,手足有事,他就要挺。
手足情深 周啟生和一班職業樂手情如兄弟,手足有事,他就要挺。

周啟生是顧家輝入室愛徒,縱橫樂壇46年,跟好多殿堂級歌星如已故張國榮、陳百強、鄧麗君,還有徐小鳳、許冠傑及林子祥等合作。他解釋今次力撐音樂界,全因幾十年嚟自己算係個幸運兒,可以靠音樂賺到錢養家:「我唔算發達,只係過住啲開心同簡單生活,亦都唔敢同人比較邊個巴閉,愈巴閉愈忘恩負義,我唔想做嗰啲人,我覺得要回餽社會,推動音樂事業。」

倒貼力撐絕境樂手

所以周啟生決定喺6月1日,即他59歲生日當天,舉行「愛港@你+我」網上音樂會籌錢,目標籌得愈多愈好:「最怕欲加之罪,必須講清楚,呢個唔係叫音樂會,係救命行動,所有救命錢會全數派晒出去,我一毫子都唔會賺,甚至會貼錢出嚟,因為所有使費由我獨力承擔,希望每位樂師能夠派到5000蚊應急,等佢哋撐住先,捱到政府派嗰一萬蚊。」周啟生愈講愈嬲,「喺禁聚令下開唔到Show,政府幫唔到呢班音樂人,靠攞綜援都唔容易。佢哋等錢生活、交租真係好慘,成個人灰晒,以我為例都係冇嘢撈,原先去年11月搞3場演唱會,最後改到3月,家陣仲遙遙無期。」

被迫停工

17年,周啟生喺尖沙咀酒吧做一個可容納600幾觀眾嘅搖滾騷,他慨嘆呢啲熱鬧日子唔知幾時先會再有。
被迫停工 17年,周啟生喺尖沙咀酒吧做一個可容納600幾觀眾嘅搖滾騷,他慨嘆呢啲熱鬧日子唔知幾時先會再有。
幸運感恩

喺音樂界46年,周啟生表示能夠靠音樂養妻活兒覺得好幸運。
幸運感恩 喺音樂界46年,周啟生表示能夠靠音樂養妻活兒覺得好幸運。

Candy阿Paul有義氣

不過籌備過程中,周啟生都好受氣:「我日日好似收陀地咁狂打電話,聯絡生意朋友、fans、歌手、唱片公司老闆、演唱會搞手、電視台高層等。但好難堪同諷刺,因為同樂師關係密切嘅歌手反應好冷淡,唉,無言,只得盧巧音同黃貫中(Paul)有回音,仲捐咗筆過萬嘅可觀金額!」周啟生坦言睇唔過眼:「樂手永遠同歌手伴奏,咁多年立下唔少汗馬功勞,但只得嗰幾千蚊微薄報酬,喺呢班朋友最需要幫助嘅時候,共事嘅人竟然唔願出手!佢哋寧願參加Lady GaGa籌款show,幫美國同世衛籌款,『斗零』都冇擺喺香港度!好彩仲有啲好心人,包括黃百鳴、契爺胡楓、環球唱片董事總經理黃劍濤(Duncan)、環星娛樂老闆張國林、黃龍德會計師事務所出錢撐,而陳龍華做義務監製及拍攝。」

我愛香港唔會放棄

另外,周啟生又不吐不快:「聯絡過程中有啲行內人只係畀手瓜emoji我,叫我加油,避開實際行動;亦有人問長問短:『單嘢仲有邊個嘉賓?喺邊度做?』喂,唔係搞國慶回歸騷呀,係嗌救命行動,佢enjoy演出件事多過係救人。甚至有人會反問我:『咪係send錯訊息?』亦有直接回答:『無興趣』,而唔覆嘅更多的,真係好契弟!而我堅持,就算天塌下,竭盡了力氣,We love Hong kong,你我從未放棄。」

輝煌成績

已故陳百強當年參加東京音樂節,演唱的《偏偏喜歡你》由周啟生編曲,周啟生更做埋有幾十人嘅日本大樂隊指揮,講起都自豪。
輝煌成績 已故陳百強當年參加東京音樂節,演唱的《偏偏喜歡你》由周啟生編曲,周啟生更做埋有幾十人嘅日本大樂隊指揮,講起都自豪。
13歲出Show

1974年,13歲的周啟生已喺灣仔彈琴唱歌,一唱唱足46年。
13歲出Show 1974年,13歲的周啟生已喺灣仔彈琴唱歌,一唱唱足46年。
修哥好嘢

周啟生係胡楓收嘅最後一個契仔,修哥一聽到周啟生要撐樂手即捐錢。
修哥好嘢 周啟生係胡楓收嘅最後一個契仔,修哥一聽到周啟生要撐樂手即捐錢。
大讚歌神

周啟生大讚「歌神」許冠傑做Online Concert,幫助通利琴行一班被裁嘅燈光及音響技師。
大讚歌神 周啟生大讚「歌神」許冠傑做Online Concert,幫助通利琴行一班被裁嘅燈光及音響技師。
響應GaGa

之前張學友及陳奕迅參與演出Lady GaGa發起嘅網上群星抗疫Show《One World:Together at Home》,向醫護致敬兼為蔓延全球的新冠肺炎疫情籌募善款,款項將用於支持世界衛生組織的抗疫工作,最終成功籌得1.2億美元。
響應GaGa 之前張學友及陳奕迅參與演出Lady GaGa發起嘅網上群星抗疫Show《One World:Together at Home》,向醫護致敬兼為蔓延全球的新冠肺炎疫情籌募善款,款項將用於支持世界衛生組織的抗疫工作,最終成功籌得1.2億美元。
義氣仔女

盧巧音初出道時係樂隊Black & Blue歌手,老公蘇浩(Sammy)亦係樂隊KOLOR主音,兩公婆唔係富貴,但都好撐樂師。而阿Paul亦非常關心一眾職業樂手。
義氣仔女 盧巧音初出道時係樂隊Black & Blue歌手,老公蘇浩(Sammy)亦係樂隊KOLOR主音,兩公婆唔係富貴,但都好撐樂師。而阿Paul亦非常關心一眾職業樂手。
值得尊重

黃百鳴半夜即覆話可以捐錢,仲係一筆可觀數字,周啟生話永遠尊重呢位大哥。
值得尊重 黃百鳴半夜即覆話可以捐錢,仲係一筆可觀數字,周啟生話永遠尊重呢位大哥。

最新回應

關鍵字

相關新聞

熱門文章