【維港會】缺德住客高空擲垃圾 太和邨平台堆積衞生惡劣

2020-05-01 21:07
垃圾堆滿在平台。太和邨業主立案法團facebook圖片
垃圾堆滿在平台。太和邨業主立案法團facebook圖片

正如衞生防護中心主任張竹君所指,香港抗疫百日除了政府以外還需要市民合作,做好個人衞生。但大埔太和邨有住客就投訴,有缺德住客亂拋垃圾落樓,導致大廈平台堆滿垃圾,遍地食物殘渣和廁紙,衞生惡劣。

網民在facebook群組「太和邨業主立案法團」發帖,稱「唔好咁啦,要等到第二朝才可以掃,住二樓個啲人好慘,你拋得出窗外,為乜唔掉返自己個垃圾桶。」照片所見,平台上有廁紙、膠袋、雞蛋隔、紙包飲品、食過的杯麵盒等等垃圾。

有居民就問,「請問我哋有無天眼?或有無安裝天眼嘅打算?」,法團主席就指「教育才是大前提,安裝、保養、維修又唔知要用幾多錢 ?要計下條數」,居民於是說「出世到而家一直住呢度,真係對邨民再無任何期望」

有網民就指,「真係唔明,行得去廚房位置都要拋落街,佢哋係咪心理有問題」。有網民更稱,「我廚房位個窗試過有1. 煙頭 2. 帶有血漬的衛生巾 3. 用過的避孕套 4. 唔知抹過乜嘅紙巾 5. 出前一丁味精包裝 6.魚骨餸渣... 吹入我衣服籃中弄到待洗的衣服,非常非常討厭。N年前投訴過無用, 乾脆窗長關。息事寧人。」

關鍵字

最新回應

關鍵字

相關新聞

熱門文章