星島日報

【頭條獨家】轉做KOL為民發聲 鄭敬基感恩網民課金撐自己

2020-04-23 20:05
近日轉型KOL的鄭敬基大受歡迎,他坦言離巢後擴闊了出路,還可自由地繼續唱。
近日轉型KOL的鄭敬基大受歡迎,他坦言離巢後擴闊了出路,還可自由地繼續唱。

鄭敬基(Joe)的87歲母親上月底從多倫多回港接受隔離,惜追蹤手帶失靈,Joe於網上狠批政府防疫措施疏忽。對此,他嘆道:「香港人算勁,到今時今日都冇大爆發。」然而,敢言的他去年疑因政見問題不獲無綫續約,本來收入大減已計劃到馬來西亞開製作公司,年初卻因疫情煞停,問可覺得黑仔?Joe沒好氣說:「最黑仔係政府唔準備好,全香港都受影響!呢個疫情話畀你聽,而家埋堆都冇電影、電視劇開!」幸天無絕人之路,近日轉型KOL的他大受歡迎,Joe坦言離巢後擴闊了出路,還可自由地繼續唱。撰文:黎寶倫 攝影:李維隆 場地:Cubus 28 鳴謝:[email protected]巧鬆啲工作室

近日轉型KOL的鄭敬基大受歡迎,他坦言離巢後擴闊了出路,還可自由地繼續唱。
近日轉型KOL的鄭敬基大受歡迎,他坦言離巢後擴闊了出路,還可自由地繼續唱。
鄭敬基表示自己仍有積蓄可以用已好幸運。
鄭敬基表示自己仍有積蓄可以用已好幸運。

鄭敬基母親早前接受14天居家隔離,惟追蹤手帶和檢疫程序錯漏百出,令鄭媽媽精神一度瀕臨崩潰,上周一完成隔離後,更嚇到鄭媽媽唔敢出街,事關她擔心仍會被控「逃疫」,最後經兒子解釋後才夠膽落樓行一圈,Joe非常無奈:「呢次對媽咪好困擾,我諗衛生署同政府資訊科技署要溝通吓,以用家經驗嚟講條手帶係唔Work,佢哋連人名都唔知,一打嚟問邊位,好似內部指令唔太清晰。我明白可能好多人入境,但機場檢疫咁鬆,不如唔好整啦,全件事都好多餘。」

手帶失靈事件令Joe發覺媽咪年事已高,記憶衰退而未能應付太困難的問題。
手帶失靈事件令Joe發覺媽咪年事已高,記憶衰退而未能應付太困難的問題。
訪問期間,鄭媽媽來電向囝囝報平安,Joe亦提點對方記得消毒衣物。
訪問期間,鄭媽媽來電向囝囝報平安,Joe亦提點對方記得消毒衣物。

感激網民支持
一直關注時事的Joe因為太敢言,有傳去年宣傳《牛下女高音》時「被消失」兼不獲續約,只能轉戰幕後,「之前顧問工作都仲有啲錢,到4個月前就真係冇乜收入,但感恩自己仲有啲積蓄,我亦學識安全感唔係嚟自5、6位數字,而係彈性,如果有日要做Uber司機、送餐都OK。」問到有否後悔敢言致收入大減?Joe爽快答冇,更坦言有一刻期待過憑《牛》攞最佳男配角,「好想攞個獎呀!點知疫情一嚟,咩頒獎禮、活動都冇晒,其實好多人都冇講過任何嘢,咪一樣冇Show做。」

談到原定年初於大馬開製作公司,無奈疫情令計劃暫時擱置,Joe唯有轉做YouTuber,早前更首次進行網上直播音樂會,看到7千多人收看、課金總額達6位數,他感嘆:「好Surprise,真係好感動,其實呢個係實驗,證明老餅都用到新方法搵錢,新一代咁叻更有辦法啦,而家我藉着唱歌仍可表達自己,唔使太多顧慮。」

早前Joe於直播音樂會中一度眼濕濕,他指最難過是因政見不同而跟家人或好友斷絕來往。
早前Joe於直播音樂會中一度眼濕濕,他指最難過是因政見不同而跟家人或好友斷絕來往。
Joe直言較擔心言論更大膽的王喜(右),又不排除邀對方開Live合唱。
Joe直言較擔心言論更大膽的王喜(右),又不排除邀對方開Live合唱。
Joe坦言表態後收入有些少調校,幸跟太太Angie平日花費甚少。
Joe坦言表態後收入有些少調校,幸跟太太Angie平日花費甚少。

最新回應

關鍵字

相關新聞

熱門文章