森美口才了得有死穴　被麥浚龍名字考起　　

DJ森美早前接受網上訪談節目，口才了得的他甚至創作了「郵差叔叔送信純熟迅速送出」這句急口令，成為坊間人人最愛測試口才的句語。在廣播界打滾多年，當被問到如要提攜新人，他坦言咬字比急才重要，他解釋道：「一個人講嘢字正腔圓，等於我聽佢講嘢聽得辛唔辛苦，如果令我聽得辛苦，無論佢講嘢幾叻，聽落都會周身唔聚財。我係好怕好多懶音嘅人。」森美拒絕懶音，所以他說話咬字也會份外著重是否清晰，不過原來他也有死穴，就是麥浚龍Juno。他說：「我成日講唔到佢個名，每次播佢嘅歌，我就會講咗『麥重輪』。」