星島日報

【頭條獨家】拍Viu劇《打天下》演一對 談善言怕畀AK粉絲鬧

2020-04-16 22:00
Anson投訴劇中因功夫不及阿談,經常被對方打。
Anson投訴劇中因功夫不及阿談,經常被對方打。

談善言和Anson Kong(AK)@MIRROR(江熚生)最近在ViuTV新劇《打天下》首度合作飾演師姐弟。劇中兩人有大量空手道動作場面,事前已花3個月苦練,但由於要由BB班變大學程度,所以壓力好大,特別演黑帶高手的阿談,拍攝期間keep住受傷,靠腎上腺素死頂。至於兩人的感情戲,阿談話好驚俾Anson粉絲鬧,不過Anson就大賣關子唔肯透露兩人有否親熱戲。採訪:杜淑霞 髮型:Larry [email protected] COLPO(談善言) 化妝:German Cheung(談善言) 服裝:Max Mara(談善言)、CALVIN KLEIN JEANS(AK)

Anson投訴劇中因功夫不及阿談,經常被對方打。
Anson投訴劇中因功夫不及阿談,經常被對方打。
問到如果真的考空手道試會否合格,阿談和Anson就好謙話:「我諗我哋都應該考到黃帶或者白帶嘅。」
問到如果真的考空手道試會否合格,阿談和Anson就好謙話:「我諗我哋都應該考到黃帶或者白帶嘅。」


阿談和Anson接拍前從未接觸過空手道,都擔心應付不來。阿談說:「棠哥(監製兼主演歐錦棠)搵我傾時,都擔心自己應唔應付到,但係又好想挑戰自己。」至於Anson就話:「我最初同Lokman(MIRROR成員楊樂文)一齊見棠哥,我諗住佢識跆拳道機會大啲,點知棠哥話我個樣招招積積似個角色多啲,同埋劇中我最初係唔識空手道嘅,會更加適合。」

「關志浩」勁冧師姐「莊惠」(阿談)。
「關志浩」勁冧師姐「莊惠」(阿談)。
阿談由完全唔識空手道,在歐錦棠特訓下打得有板有眼。
阿談由完全唔識空手道,在歐錦棠特訓下打得有板有眼。


靠腎上腺素頂
兩人為了應付劇中大量空手道動作場面,拍攝前3個月兩人日日苦練,過程相當艱苦,特別是阿談,她說:「因為全劇都唔會有替身,壓力好大,好驚影響到成組人,拍時只諗冇回頭路,唔可以做唔到,點知可能太緊張,第一日開工就拉傷咗大腿,之後keep住傷住拍,再加其他地方嘅傷,基本上冇一日唔係痛住拍,全程真係靠腎上腺素頂住咋!」

劇中兩人演師姐弟,亦有感情戲,阿談笑說:「我好驚呀!驚俾佢啲粉絲鬧呀!」追問係咪有親熱戲所以咁擔心,Anson就大賣關子話:「唔講畀你哋聽住,到時你哋睇咪知囉!」兩人又提到最難忘去日本沖繩拍外景,阿談說:「嗰時個劇拍到尾聲大家都真係好攰,但嗰度啲景好靚,咩辛苦都唔記得晒!」Anson仲有機會同真正高手交手,「大師級老前輩外間哲弘未埋位時好慈祥,但一到講空手道佢個樣就好嚴肅,內功仲好勁,用隻手指篤吓我都痛到瞓咗喺地呀!」

Anson演的「關志浩」,未學空手道前是個小混混。
Anson演的「關志浩」,未學空手道前是個小混混。
Anson初次在劇集演戲份較重角色,自言特別緊張。
Anson初次在劇集演戲份較重角色,自言特別緊張。

最新回應

關鍵字

相關新聞

熱門文章