星島日報

陳山聰公佈老婆佗男嬰:BB鼻高又長是靚仔

2020-04-09 17:04
陳山聰話老婆沒不適也沒變胖,條氣好順沒發脾氣。
陳山聰話老婆沒不適也沒變胖,條氣好順沒發脾氣。

陳山聰、譚俊彥、黃智雯、趙希洛等為即將播出的劇集《十八年後的終極告白》宣傳,將為人父的陳山聰談到太太Apple近況,首次透露太太佗B仔。
山聰表示預產期於暑假,由於表哥是醫生,因此生產事宜全權交由太太及表嫂處理,會按醫生意見剖腹分娩。談到太太近況,山聰說:「好睇近排唔需要開工,呢段時間主要喺屋企陪太太。佢粗身大勢,出街買餸買日用品都係我負責。」問到太太可有因懷孕而不適?他笑笑說:「好好,完全無嘔亦無肥過。(有亂發脾氣?)又無喎,佢好開心個樣無大變化,條氣比較順,所以都無發脾氣。」

山聰笑指因新劇即將播出,因此公佈太太佗囝囝。提到他曾表示喜歡女兒,可會再追多個?他笑說:「等BB出咗嚟先再講啦!我都係新手牌。」他感恩身邊很多朋友提供育兒心得,說:「譚俊彥、陳敏之、胡諾言及郭政鴻都很有經驗,又介紹好多贊助商,BB已經有好多戰利品。」兒子是否有很多契爺契媽?他說:「有3個爺契,兩個圈外,郭政鴻當然係其中之一,契媽暫時未有。」他說太太照超聲波,醫生指BB鼻高又長,將來會是一個靚仔。
山聰非常期待劇集出街,因拍攝時身材最弗,他說:「第一集就除衫,我從未試過咁樣喺螢光幕前出現。拍攝前我同要求監製畀我一個月去操弗,結果出嚟效果好理想。」

最新回應

關鍵字

相關新聞

熱門文章