星島日報

【維港會】黎青龍繽紛口罩襯到絕 自爆慳家一件西裝可著30年

2020-04-06 16:35
黎青龍口罩顏色同西裝襯到絕,成為網民熱話。
黎青龍口罩顏色同西裝襯到絕,成為網民熱話。

港大肝病權威黎青龍教授一向形象鮮明,每次亮相都一身襯到絕的鮮艷西裝,近月新型肺炎肆虐,有網民發現,黎教授每次出鏡,連口罩顏色都襯埋,親身示範防疫都可以好時尚。以為他一身華衣美服,應花好多錢買衫,但黎教授原來唔係成日買衫,一套西裝可以著超過30年!

黎青龍早前接受《Jet》訪問,當中提到佢穿衣之道,澄清自己唔係成日買衫。「人人都說我愛員買靚衫,但其實不是啦,好似我今日穿這件Dunhill,一九八幾年買,穿了超過30年。我沒買過Dunhill幾十年喇!就算訂造西裝,我都是每隔兩三年才買一套,5000元左右。我很少掉東西,幸好身形沒有大變,只是老了一點。」就算吃晚飯,他都只是簡簡單單為主,一百多元一餐,很正常吧。

別以為衣著色彩繽紛,心情一定好靚,黎青龍透露,從去年中開始,心情大受影響,非常緊張時事,每每看新聞都哭起來。黎青龍自言,吃了20年膽固醇藥及血壓藥,而且從32歲起便有吃安眠藥的習慣,至今接近40年。「年輕時,我睡得很好,之後有些emotional的問題,接著就無法睡覺。不吃安眠藥就完全睡不到,試過有次飛去倫敦忘了帶藥,結果那個機程非常慘,喝了很多酒也無法睡。」佢喺訪間中又提到,每晚睡4小時後就會醒一醒,起身又要吃多半粒安眠藥,晚晚如是。「吃了幾十年,沒有副作用,沒所謂。」黎青龍透露,曾經有一陣子狂甩頭髮,吃過育髮藥好些。

最新回應

熱門文章