【頭條獨家】停課悶到癲 孫慧雪狂買玩具書氹仔 陳豪陳茵媺帶三寶貝遊車河放電

2020-03-01 22:22
教育局宣布全港學校延長停課,一眾星B們悶到發慌,陳豪夫婦與孫慧雪夫婦就分別想法讓子女放電。
教育局宣布全港學校延長停課,一眾星B們悶到發慌,陳豪夫婦與孫慧雪夫婦就分別想法讓子女放電。

至今,本港新冠肺炎確診個案累計接近100宗,教育局宣布全港學校再延長停課,最早於下月20日復課,搞到一眾學生哥日日「閉關」喺屋企,悶到發慌!家長們唯有絞盡腦汁,為小朋友安排活動放吓電,上周三(26日)陳豪夫婦就帶埋3名寶貝子女去銅鑼灣,不過為了保護他們,得媽咪陳茵媺(Aimee)可以落車行街街,其餘4人就坐喺車廂中睇電視、風景!同一日,「緊張大師」孫慧雪(阿雪)則撇低囝囝,戴齊口罩、護目鏡和帽出動,為寶貝仔添置大量玩具、圖書解悶。呢期做父母認真唔容易呀!。採訪:梁志明

上周三,陳豪帶三名子女出去「遊車河」,小朋友全程冇落車。
上周三,陳豪帶三名子女出去「遊車河」,小朋友全程冇落車。
同日下午,孫慧雪與老公Edwin落銅鑼灣買書畀囝囝睇。
同日下午,孫慧雪與老公Edwin落銅鑼灣買書畀囝囝睇。

新冠肺炎疫情嚴峻,令不少家長為保護子女健康,都避免帶他們到鬧市,以防中招!好似靚媽陳茵媺就索性帶小朋友遠離市區,到郊外行山、玩沙親親大自然,而上周三下午3時許,陳氏一家五口又出動,呢次卻難得在銅鑼灣糖街附近出現。當日,戴上黑口罩及帽的陳豪站在街頭,為車廂中的3歲細女Camilla綁安全帶,其間囡囡手舞足蹈同爸爸不停講,大仔Aiden和二仔Nathan則在後座坐唔定,纏來纏去,由於3個寶貝仔女都好安全地Stay喺7人座駕裏面,所以一律冇戴口罩。

困車等媽咪
擰轉面見到記者時,陳豪都好Nice地向鏡頭打招呼,隨即上車消毒雙手,未知是否聽到小朋友們嗌悶,冇耐他又從副駕駛座轉至後面坐,同子女一齊睇電視。車輛停泊路邊足足20分鐘,原來係等緊媽咪返嚟,見Aimee挽住個桃紅色紙袋,唔知係咪買禮物畀3個小朋友解悶呢?之後一家五口便開車返屋企。另邊廂,早前擔心到喺Instagram放負的孫慧雪表示:「𠵱家只要小朋友有乜頭暈身㷫都會嚇餐死!」為了保護兩歲多的兒子Riley,她更足不出戶多天,但見囝囝困了成個月,已經將個廳整到七國咁亂,仲悶到開始扮貞子、玩膠箱同跳現代舞,結果上周終於衝破心理關口,跟老公羅天彥(Edwin)殺落皇室堡買嘢氹Riley。

畀完錢一出門,孫慧雪夫婦就企埋一邊拎收據出嚟對數!
畀完錢一出門,孫慧雪夫婦就企埋一邊拎收據出嚟對數!
孫慧雪同老公一上車就用搓手液消毒雙手。
孫慧雪同老公一上車就用搓手液消毒雙手。

撇仔買圖書
當日於BOOK BUDDY課金後,阿雪烏低身喺地上的大膠袋內起勢摷,其間仲遞了幾本兒童玩具書畀老公拎,相信袋中的戰利品全部屬於寶貝仔。為了滿足勁量級「電王」Riley,除了買圖書,原來他們仲去埋玩具反斗城掃玩具,夫婦倆執好個大袋便企出門口Check收據,見張單長到咁,阿仔今次發達啦!離開時,兩公婆一登上車即狂捽消毒搓手液,防疫意識超強!事後,阿雪亦於Ig留言:「嗯……我唔帶你(囝囝)出街……係啱㗎!」無他的,皆因其上載的短片中,Riley居然無啦啦狂舔家中架車仔,認真污糟!

其間陳豪坐去後座陪仔女睇電視,大家仲睇到哈哈大笑!
其間陳豪坐去後座陪仔女睇電視,大家仲睇到哈哈大笑!
媽咪陳茵媺終於買完嘢返嚟,見到記者仲Nice爆揮手!
媽咪陳茵媺終於買完嘢返嚟,見到記者仲Nice爆揮手!
陳豪夫婦上車後,一家五口便歸家去。
陳豪夫婦上車後,一家五口便歸家去。
為了「避炎」,陳茵媺早前帶3名子女到勁少人的沙灘玩。
為了「避炎」,陳茵媺早前帶3名子女到勁少人的沙灘玩。
有仔萬事足的孫慧雪經常於社交網分享湊仔樂事。
有仔萬事足的孫慧雪經常於社交網分享湊仔樂事。
停課期間周圍唔去得,眾「星B」唯有在家中搵嘢玩自娛一番,陳茵媺3個仔女就幫媽咪手整蛋糕。
停課期間周圍唔去得,眾「星B」唯有在家中搵嘢玩自娛一番,陳茵媺3個仔女就幫媽咪手整蛋糕。
孫慧雪囝囝Riley則悶到舔車仔。
孫慧雪囝囝Riley則悶到舔車仔。
關鍵字

最新回應

關鍵字

相關新聞

熱門文章