【頭條獨家】被麥美恩爆洗衫密咗 馮盈盈:疫情下更珍惜媽媽

2020-02-28 20:25
麥美恩(中)率馮盈盈、戴祖儀、劉穎鏇及何依婷主持《學是疫學非》有好多得著。
麥美恩(中)率馮盈盈、戴祖儀、劉穎鏇及何依婷主持《學是疫學非》有好多得著。

TVB因應新冠肺炎剛播完的特備節目《學是疫學非》令「是非精」麥美恩、馮盈盈、戴祖儀、劉穎鏇及何依婷汲取唔少抗疫知識。麥美恩更爆料指喺疫情下,馮盈盈𠵱家洗衫都洗密咗。盈盈就帶點唔好意思話,𠵱家會拎衫返屋企畀阿媽洗,因為住緊嗰度都冇洗衣機。當被問到內衣褲等貼身物品係咪交託阿媽代勞清洗時?她啞口無言,一臉尷尬道:「自己洗囉…咁唔係點啫…」搞到現場「是非精」喪笑,祖儀忍唔住取笑她:「好擔心你嫁唔出呀!」好搞笑。採訪:方騫平

馮盈盈行為就算係港女一啲,但樣靚身材正都搶返唔少分,唔怕嫁唔去喎。
馮盈盈行為就算係港女一啲,但樣靚身材正都搶返唔少分,唔怕嫁唔去喎。
盈盈話唔使前度男友寶寶提供抗疫貼士,因為個個人都學會基本知識。圖仲有戲中男友何廣沛。
盈盈話唔使前度男友寶寶提供抗疫貼士,因為個個人都學會基本知識。圖仲有戲中男友何廣沛。

藉着今次節目,各人都話得益良多,劉穎鏇學會自製酒精搓手液,何依婷就話,檢測下原來用酒精搓手液比梘液成效更好;麥美恩就呼籲唔好盲搶物資,唔係個個啱戴N95口罩,尤其呼吸唔正常唔好戴,平常人只要戴住外科口罩就OK;戴祖儀就提醒大家唔好用酒精噴口罩嚟殺菌,咁樣反而會破壞口罩結構。麥美恩最開心《學是學非》終可以成為十點半嘅節目,「是非精」人強馬壯,都想合作拍劇,笑言最好搵埋韓星元彬做男主角,戴祖儀就話:「聽聞古天樂同TVB仲有合約,我想揀古天樂呀。」盈盈拍手附和:「我哋同古天樂拍完嗰套劇,仲有電影拍𠻹呀!」

劉穎鏇提醒觀眾,口罩唔可以放喺下巴位置。
劉穎鏇提醒觀眾,口罩唔可以放喺下巴位置。
馮盈盈學以致用,喺節目度介紹營養食療。
馮盈盈學以致用,喺節目度介紹營養食療。

另外,麥美恩指盈盈以前隔幾日先洗一次衫,好污糟,𠵱家洗衫都洗密咗。盈盈即辯解:「如果冬天有底衫,冷衫着三次先洗有乜問題?着一次就拎去洗,件衫好快縮水,𠵱家驚自己洗得唔乾淨,所以呢方面交畀有經驗嘅媽媽洗,但絕對冇當阿媽係工人。(咁內衣褲呢?) 係…自己洗…我哋講下個話題喇…不嬲都知媽媽好嘅,𠵱個疫情更珍惜媽媽。」

劉穎鏇選擇行山呼吸新鮮空氣。
劉穎鏇選擇行山呼吸新鮮空氣。
關鍵字

最新回應

關鍵字

相關新聞

熱門文章