【維港會】李居明「龍珠抗疫法」 網上掀「抽水」熱

新型肺炎全球肆虐，難料疫情何時完結。不過玄學家李居明近日提供的「抗疫大法」，就讓網民在疫症陰霾下苦中作樂。李居明除了「啌！啌！啌！」，親授「口罩加持法」；重提出重播《龍珠》有助化解疫情，令「龍珠」迅速在網上瘋狂洗版，掀起一片「抽水」熱。

李居明製作視頻《李居明談肺炎》，教大家如何對抗肺，認為疫情可望於4月8日平息，到夏天完全消失。佢又親授「口罩加持法」，即是用劍指向著口罩四蹤五橫劃一個剔，同時唸口訣「臨兵鬥者皆陣列在前」，最後用彈指並對口罩說：「啌！啌！啌！」完成後，他稱可以增強口罩防病毒的能力。

最令網民津津樂道的，係佢提出重播《龍珠》抗疫。佢話今年火毒之年，加上二黑病符飛臨南方，代表「火毒」加會「病符」毒上加毒。而代表新金的馬騮仔孫悟空，則不怕火毒火燒，由於《龍珠》係參考中國名著《西遊記》，從而創作出「悟空」一角色，玄學上亦用「龍」及「牛」來散熱、散火毒，因此認為播《龍珠》有助抗疫，佢仲話，韓國同意大利電視台都可以播《龍珠》添。

李居明嘅「抗疫大法」迅速在網上洗版，就連Viu及Smartone都加入「抽水」行列，黃Viu就話「唔使電視台播，上Viu就即刻免費睇《龍珠超》」；Smartone就以65折推出龍珠充電器，話最啱用嚟煲《龍珠》，唔怕無電喎！