【維港會】平安夜不平安 半島賓客遇衝突嘆似難民

昨晚相信係回歸以來最唔平安嘅平安夜，多區發生衝突示威，警方施放催淚彈、橡膠彈同胡椒彈驅散黑衣人。有城中名人昨晚參加完半島酒店聖誕前夕晚會，剛好撞正警方驅散示威者行動，有嘉賓慨嘆似難民，齊集停車塲，吼準時機逐個從小門「逃生」。

有半島賓客表示，昨晚只好開兩開房間給小朋友休息，自己就步行到天星碼頭過海，但在灣仔又遇到衝突，幾經辛苦，終於返回家中。佢譏諷「是的，昨晚氣氛更佳，音樂加槍聲，食物加催淚煙！回家途中，如入戰塲。What an experience!」

有名人向Kelly表示「我們在半島內，外面大亂，催涙彈橫飛！酒店已落大閘。我們唯有一路食聖誕餐一路聽樂隊演奏，等太平！唔知要等幾耐！亦人生一經歷！」平安夜放催淚彈真係無乜幾何，有在場賓客索性直播，見證歷史一刻。