生日承諾用愛報答太太 Steven多謝囝囝送便便大禮

張致恒（Steven）昨日35歲生日，老婆雯雯與7個月大兒子天寶，還有愛犬為他慶生，雯雯在ig留言：「簡簡單單過咗個12:00，生日快樂爸爸！繼續錫呢個家，希望你可以每日都笑，萬大事仲有呢個家陪住你。」Steven即以愛的宣言回應：「老婆我愛你，仲會愛你一世㗎！」

之後Steven再在自己的ig貼文：「多謝大家嘅生日祝福，細個嘅時候生日總會約一班friend出去劈酒，到人大咗有咗家庭之後，就邊度都唔想去淨係想喺屋企同老婆同個仔簡簡單單咁過，我嘅生日願望好簡單，淨係想個仔健健康康快高長大，睇佢讀書，睇佢做嘢，睇佢結婚，我就心滿意足！仲要多謝我嘅老婆，辛苦佢幫我生咗個超級可愛個仔，我會用我一生嘅愛去報答佢！」他更分享替囝囝清理便便的相，可惜失敗了，他開心留言：「最後嗰張相要多謝我個仔送俾我咁大份生日禮物，搞到我變咗張紳士（身屎）。」