【新戲演夫妻】同林嘉欣戲裏戲外勁合拍 劉德華自覺相逢恨晚

由導演邱禮濤執導，劉德華、古天樂、苗僑偉、林嘉欣，主演的 《掃毒2天地對決》，即將在7月16日上映。除了正邪對峙的火拼場面，戲中的三角關係同樣受人注目，華仔周旋在兩位女神林嘉欣和周秀娜之間，他大讚選角非常合適，這位經驗豐富的影帝與她們的對手戲，竟有一種從未遇過的新鮮感。

相識多年的劉德華與林嘉欣原來今次是首次於大銀幕上合作，首日開工碰面就要拍在家甜蜜相處的場面，兩人一見面即來個擁抱，之後不時談笑風生，又會好像老朋友見面般回憶往事。嘉欣表示：「第一次同華仔合作，仲係演佢老婆，我驚被人妒忌呀，哈哈！開工見到華仔事事都親力親為好落力，加上佢係電影監製，會同我講好多detail位，幫助到演得更深入。」首日拍攝除了甜蜜相處外，同樣也要拍爭吵戲的場口，嘉欣感到壓力爆棚，幸好兩人表現非常有火花，她說：「有時演員嘅情緒起伏好大，而華仔可以照顧埋我脆弱嘅一面，所以我非常信任佢。」

在戲中飾演前度男女朋友的周秀娜及華仔，首場戲也是唯一一場對手即是分手的激動場口，拍攝前華仔同娜姐邊對劇本，邊親自一同試位。娜姐表示：「華仔好有親和力，合作起上嚟唔會驚，反而好舒服，我今次演佢前度女友，拍得一日真係唔夠喉！最初我都擔心同劉德華合作，會唔會有種距離感，佢在現場可以將自己嘅緊張轉化成與彼此嘅默契，令之後的拍攝都好順利。」

至於周旋兩女神之間的劉德華，形容與飾演夫婦的林嘉欣戲裏戲外都非常合拍，有相逢恨晚的感覺，他表示：「冇諗過同嘉欣喺螢光幕上咁似一對夫妻，可能呢啲就係天生嘅化學作用。」至於同周秀娜合作，華仔直言當初對這個情侶關係感到很不好意思，他笑說：「其實我都一把年紀，仲要同佢演男女朋友。不過我演完後覺得選角真係好好，之前有睇周秀娜主演的電影《29＋1》，佢嘅創造力好高，我亦好希望喺演出方面可以搵到啲新血碰撞一下，可以令自己進步。」