亨利拆局│練馬師王吼沈集成

今日舉行三場二級賽，論戲碼是季內最有睇頭一次，其他場次亦有不少明星馬登場，賽前估計應是大馬房天下。是日重點，在於三場大賽都有擂台躉列陣，分別由希斯「嘉應高昇」、伍鵬志「錶之銀河」和沈集成「浪漫勇士」擔起大旗，由於預計以上三人各有十二分揸手，感覺上練馬師王相對其他倉口較佔優勢。

伍鵬志和希斯由開季至今拼搏已多，反而沈集成自首兩個回合打疊封王之後，大攻勢不再復見，如今慢板歎了兩個多月，提防吼今次大賽日連場出擊，一於捧成哥練馬師王！此外，若想博冷扒逆水，不妨小注一試逐漸退熱的蔡約翰。

爭分主力方面，「熾烈神駒」跑千二次次衝得勁，上仗後追雖賺超快步速，但頭馬「手錶之星」再出再贏，季軍「哈羅威」亦是跨季弗馬，本身水準有保證，今次更有麥道朗坐鎮，有力響頭炮。「十八掌門」是二千專家，復課大細閘試勻，做工夫定為配合而來。

目標：沈集成

賠率：2.2

全日惡馬  第九場：浪漫勇士  

練馬師王最佳投注時機：第一場前