沙田早晨│偉廄孖寶練者有手影
2024-09-30 00:00 
周日晨課一向淡靜，好少騎師到場，出跳馬相當少，仲要大多參戰馬已於周六試跑。昨朝當然更加冷清，五點二十分「香飄萬里」同「常常感恩」一齊出跳已是焦點，更有睇頭係出跳前蘇偉賢走出室外到跑道口向兩位鞍上人教路，此一舉動極之少見，擺明車馬出擊。
葉廄五駒航哥親打表
葉楚航唔話得，安排參戰馬留待昨朝試跑，五點二十八分一批過出場、除了「水龍頭」，其餘五匹戰駒，包括「觀天下」、「香港精神」、「紅鬃烈馬」、「可愛人生」，全部順序出跳。當時葉楚航極之緊張，不止全神貫注睇住每匹馬走勢，並且親自打表計準時間。 
葉楚航不止全神貫注睇住每匹馬走勢，並且親自打表計準時間。
「投資有利」備戰夠晒辣
「投資有利」能力平凡肯定之事，不過話晒在五班贏過三場，最重要減分已多，久沉馬上仗終交番出好走勢。難得重新振作，復課備戰相當積極，最近一連兩課進行拍跳，到了昨朝縱使單跳亦要跳得好快，同時韋達顯露搏殺動靜，出跳後走去馬房大閘口第一時間睇馬。
關鍵字
最新回應