內圈捕影│ 「高瞻遠矚」神采奕奕

大多周日參戰馬今朝都到內圈出試，精采鏡頭一個接一個。 

「高瞻遠矚」助手踱一圈，步伐穩健力度足夠，馬身收得靚有綫條美，神采奕奕展現朝氣，老馬保養出色。「得力寶駒」助手踱一圈，走勢硬朗神態活躍，有火有力極之墜手，馬壯唔瘦好實淨，狀態長期省鏡。 

「勝不驕」助手踱一圈，試來精神爽利，步順輕快有彈力，馬身收得好靚全身肌肉，復現勇態，重拾銳氣。「你知我得」助手踱一圈，氣宇軒昂試得淡定，力度充足馬身壯健，毛色油潤悅目，進度極之理想。 

「星洲之光」助手踱一圈，落腳整齊走勢硬淨，細馬收身結實，比前淡定唔再急口，確認踏上正軌。「馬林」助手踱一圈，一貫跟住馬走，但脾氣明顯改善，唔再扭計汗濕也不多，身壯色潤，佳態洋溢。「浪漫勇士」助手踱兩圈，輕描淡寫完成，試來神態自若，馬身收得靚，出腳力度充足，更吸引的是愈見淡定收斂。 

「紅運帝王」助手踱一圈，神情專注目光如炬，身靚全身都係肌肉，神態生猛火氣充裕，愈贏愈吸引。「舞林密碼」助手踱兩圈，小心按實順走，身色俱吸引，運步輕爽力度亦夠，操足病瘉之馬，狀態有上佳水準。 「越駿歡欣」助手踱一圈，馬身仍壯脹卜卜，毛色鮮明潤澤，落腳整齊又夠硬淨，神態活躍長期勇銳。

立即下載 | 全新《星島頭條》APP : https://bit.ly/3yLrgYZ