縱橫天下收復前失

何良目前僅取得九場頭馬，但上岸機會仍樂觀，因為暫時他只用了一個五班頭馬配額，加上幾匹G布新馬，包括「縱橫天下」及「精明勇駿」實力不俗。上述兩駒今日同樣強配，戰意百分百。

第四場第四班一四○○米。「縱橫天下」初出一仗衝刺強勁，接戰遇慢步速一樣追得好，近仗改攻千四更全入前四名。大前仗是「縱橫天下」表現最好一次，因排十檔關係選搶前，從未試過此跑法的「縱橫天下」卻好受落，查當日跑道大利後追，此駒有本事頂到尾，甚至只以短頭位落敗跑第二。再看蹄下敗將「志友盈」、「紅磚勇士」、「合夥贛勁」、「對衡之星」及「大紅心」之後交出頭馬，更見該席亞軍極之勁揪。

「縱橫天下」近兩仗交出一亞一殿持續見好，尤其上仗遇超級馬獲亞乃非戰之罪，目前分數相當着數，更落在兩組千四較弱一組，可謂時來運到，有望收復前失，打開勝利之門。

第五場第三班一二○○米。「電源之駒」口勁極重，一直要用雙杆型口銜鐵操練，幸好多跑下有進展，近期愈見收斂，連課出跳快慢由人。前仗「電源之駒」入位漸露頭角，蔡廄馬好開會好，果然上仗就打開勝門，無疑贏得有點驚險，而且佔有輕磅之磅，不過前速唔快，早段落後不少距離，擺明一千路短，照贏也恃質凌人。

事實上，「電源之駒」近兩戰一千都靠後追，再看外地兩戰獲冠亞各一均跑千二，根本並非一千馬，因此今次扳上千二有好無壞，未來甚至出戰千四及一哩最具威力。