電子傳奇必拼無疑

文家良和姚本輝練埋下季就退休，亦因此必定毫無保留，一些質態俱佳之馬會搏得就搏。事實上，文、姚廄馬大多好開就好，絕少演出走樣，今戰「電子傳奇」路合馬勇值得追捧。 

第二場第四班一六五○米：「電子傳奇」首三仗悉數跑千二，不論田草及谷草均表現平平，大前仗一下子扳上一哩，未致於一擊即中，但名次跳升至第五，表現令人大有驚喜。路程啱跑再接再厲，前仗「電子傳奇」再進一步拼獲亞席，不過始終跑雨戰跑黏地，賽績說不上硬淨。到了上仗，出戰正常場地就贏馬補中，贏個多身位已夠厲害，仲要遇上快步速，段段快跟下照贏可也，跑出一分三十九秒七九，甚至快過當晚三班頭馬「牽旺加富」。

賽後只加六分，對於「電子傳奇」來說是毫無阻力，上周三兩組同程唔跑，寧願等多一周，全為等待周俊樂刑滿復出充滿誠意，今仗必拼無疑，可爭連捷。

第六場第三班一二○○米：「神之水滴」上季一再被熱捧，成績亦不俗，四戰得兩冠兩季，當中兩戰在同程贏得甚為輕鬆。今季此駒首戰三甲不入，令人有點失望，幸好接戰迅即補中。之後「神之水滴」加至八十一分，跑了兩場同程僅一亞一殿並不失禮，及後有傷唞了四個月，復出兩仗泥地純粹熱身。

上仗「神之水滴」減至八十分，終於跑番田草千二決心出擊，無奈遇上了既高質又輕磅的「識贏」，拼獲第二已有交代，再講本身已彈甩季軍「大才」接近兩個馬位。賽後不用加分，「神之水滴」今仗仍在三班出戰佔盡便宜，同程曾入Q，該仗二班賽不敵廄侶「共創繽紛」，路程絕對有把握。