雲彩飛揚大有進展
2022-01-18 00:00沙田十場賽事過後,周三將會返回谷草戰場。昨朝的出跳馬尚算不少,主要來自呂、蔡及葉廄,另外多位騎師亦落力操馬,包括巴度和潘頓,現報道如下。
「威之星」助手跳三段,戴頭罩及鼻箍,垂低馬頸不太放鬆,神態亦有點淡,狀態一般。
「上駿之星」潘頓草閘跳兩段,口勁收斂不少,快慢由人操控自如,大馬身壯實淨,狀態續進。
「幸福至上」何澤堯草地跳兩段,唔再急好規矩,且毛色比更有光澤,已踏上正軌。
「勁駒」助手跳兩段,觀感好番好多,試來饒具朝氣,唔再頹步穩力充足,狀態回勇。
「晉神」巴度跳兩段,操控得好未見搶口,勁之餘又夠定,人馬顯得好合拍,狀態不俗。
「旋風飛影」助手拍「銘記知心」跳兩段,一直落後一個馬位,入到直路羅廄「賽得意」在外邊,走中間位的「旋風飛影」毫無影響不徐不疾,成熟程度再進一步。
「二雋」戴眼罩及頭罩由助手跳兩段,昂首闊步充滿勁度,馬身喼得壯毛色潤澤,持續態勇。
「雲彩飛揚」巴度跳兩段,收斂唔再急口,展步也較暢順,狀態大有進展。
「奮鬥之星」馬雅拍「同盟力量」助手跳兩段,前駒戴頭罩,外檔追上好牽強,尚要過終點後再被拋離;後駒神態活躍展現暗火,外觀吸引狀態亦勇。
捷報奮勇搶先
「捷報」助手拍「鋒芒勁露」及「快步速」跳兩段,中檔奮勇搶先鬥心旺盛,近來有另眼相看之感。
「友心友型」戴頭罩由助手跳兩段,昔日重口毛病盡改,唔再急接受操控,但毛色及不上之前靚,進度徘徊。
「大眾開心」戴頭罩由巴度跳兩段,輕描淡寫走過,神態對辦又有活力,論態一直見好。
「太陽威威」戴頭罩由助手跳兩段,愈來愈愚魯,要畀兩步先肯走,身壯色潤狀態則非差。
「歡欣福星」巴度跳兩段,運步如輪兼充滿彈力,雙目有神,火氣有增無減,狀態長勇。
「伊臣」戴頭罩由潘明輝跳兩段,外觀靚唔在講,從容唔急唔搶,落腳又爽又輕巧,狀態仗比仗好。
「紫菜福星」何澤堯跳兩段,大馬好輕身,出腳利落神采奕奕,保持勇態。
「百勝名駒」戴眼罩由班德禮跳兩段,少許伸頸不過不失,唔夠氣勢狀態回落。 「志勝時機」助手跳兩段,淡淡定好規矩,落腳輕快流暢又有力,進度極出色。
關鍵字
最新回應