好眼光篤定再贏

2021-11-10 00:00
  蔡約翰一向喜歡向高難度挑戰,每季會微調操練方式,今季尤其明顯,好多新馬只試兩、三課閘,甚至一課閘就上陣,因此要多跑才上力,但一經開氣,這批馬會連場交出佳績。
  第三場第四班一〇〇〇米:「過河勁卒」典型的四班馬,在四班就蝦蝦霸霸,升到上三班就被人蝦,所以從來毋須理會其三班的賽績。今季「過河勁卒」在三班起步,蔡約翰決心為馬匹減分,拿拿臨已安排牠跑三場,上仗終於可以重返四班,落場雖然未有佳作,不過賽前試跑時就嚇我一跳。
  在該次試跑見「過河勁卒」突然火猛搶走,唔似之前出跳平平淡淡,擺明勇態復起,至於落敗亦非馬匹力有不逮,出閘夠快卻唔騎,鞍上人甚至係按住,完全無心跟前守好位,最肉酸的是去到最後個彎,未有繼續走內檔,竟然兜出大外檔蝕位無數,跑法毫無誠意,難得依然追到第四,此席殿軍實在勁到不得了,今仗在四班賽應可予取予攜。
  第六場第二班一二〇〇米:「好眼光」雖是第二選參賽馬,但贏開有勢兼谷草有根據,相對「神之水滴」初跑谷草更首次跑二班賽,前駒可睇高一線。
  「好眼光」上季出道已鋒芒畢露,之後有因為小傷影響了進度,復出後未能再贏,不過一再跑得接近,其中初跑出戰谷草一仗更是孭重磅。今季「好眼光」無病無痛密密出戰,首仗再戰同程蝕到無譜得第四,前仗大敗失準全因未達千四氣量,尚要快步速跟得急。上仗縮程正確,估唔到一下子縮落一千照放出,並且輕鬆一放到底,再次展現超強實力。當打當紮之馬上季試過兩周後出戰再建一功,體力唔擔心,萬事俱備篤定再贏。
  
關鍵字

最新回應

相關新聞

知道必勝狀態托弗

2021-03-15 00:00:00

對衡之星態在勇境

2021-11-08 00:00:00

幸福友善脫胎換骨

2021-09-07 00:00:00

綠色有運狀態大勇

2021-04-13 00:00:00

熱門文章