「紅鬃烈馬」扶搖直上

薛恩在剛戰田草日賽贏四場、陳嘉熙也成功起孖，是否因為天氣太熱，大多好手因而跑不出水準呢？今晚夜賽天氣無咁熱，相信賽果會正路得多，其中潘頓胯下有不少惡馬，有望連場數胡。

第四場第四班一二〇〇米：「紅鬃烈馬」首季情緒未收斂，晨課好癲好狂，出賽當然全敗，上季唔再急唔再癲，簡直變了另一匹馬，落場當然有好表現，交出兩冠四亞一季佳績，尤其上季尾勁揪到痹，除了六〇九場跑第四稍失望，另外五戰獲兩冠兩亞，兩場頭馬固然出色，兩場亞軍亦只不敵明星馬，一次輸畀「八仟師」，一次遇上「風火戰駒」。

今季才五歲，「紅鬃烈馬」有望繼續扶搖直上，尤其目前仍在四班佔有優勢，未有試大閘似有瑕疵，實則針對細馬，刻意保留體力，繼續配潘頓人馬合拍，跨季贏馬無問題。

第七場第三班一二〇〇米：「財駿」試閘平平淡淡，初出大冷門無影，估不到再出拼入三甲席位，且全程生勾勾極不規矩，並跑出一分九秒五二佳速。「財駿」之後再出檔差無能為力，之後一仗抽一檔並扳到潘頓，形勢大好熱捧得手，贏得輕鬆唔在講，該仗再次跑出快時間，按韁下締出一分九秒六三。「財駿」接戰三班繼續神勇，雖然未能添食，但只不敵之後再串Q的「飛霸龍」及「年年旺」，強組入位並不失禮，再講本身留得較後處境不利，若非如此已添食了。四歲馬大熟大勇，今季連場數胡唔出奇，操足狀態好，負磅又輕飄飄，不勝無歸。