榮冠大道火猛搶走

每逢周日進行賽事，周五出跳馬通常不太多，然而可能本周日是新季開鑼關係，所以昨朝仍有不少戰駒進行試跑作最後砥礪，現將操練報道如下。

「榮冠大道」黃俊跳兩段，年紀雖老，但一貫火猛，主動搶走，馬身又夠壯，觀感不差。

「影疾」潘頓跳兩段，岳頭毛病改不了，但比起以往已規矩得多，由從化歸來既養壯了馬身，亦多添一份朝氣。

「尚方寶駒」助手跳三段，淡淡定接受操控，跑姿愈見成熟，論態在上佳水準，唯一擔心最近試閘起步脫腳。

「開心大師」助手跳三段，昂首闊步極具朝氣，完全唔似老馬，喼到上季尾連捷時水準。

「威力喜」戴頭罩由助手跳一段，刻意快開，走得起勁，展現前所未見咁好鬥心，上一課拍跳也有以上表現。

「型感」霍宏聲跳兩段，大馬唔重身，懶性也減了不少，要挑剔是毛色可以再靚。

「富高八斗」助手跳兩段，唔再捉實畀佢走，反應好得多再無搶口，走勢硬淨具備朝氣，重新振作。

「精彩有你」助手跳兩段，唔似上課猛轉腳，不過馬身仍未夠壯，毛色也嫌稍淡。

「得賞」梁家俊跳兩段，勤力馬表現稱職，墜手搶走有火有力，馬身壯健毛色潤澤。

「連利福將」班德禮跳兩段，前腳一貫出得直，但力度唔錯，火氣更相當不俗，已在爭勝水準。

「快步速」戴眼罩及頭罩由助手跳三段，運步如輪神態活躍，打仔馬狀態一操即起，最近試閘亦反應一絕。

「星運子爵」戴頭罩由助手跳三段，輕描淡寫走過，神態對辦，落腳輕巧力度唔差。

「佳景福星」戴頭罩由助手跳兩段，從容走過動作利落，馬身夠壯夠結實，最近試閘反應好，一揮即就。

「得力寶駒」戴頭罩由助手跳一段，比起上季明顯長肉了，快開反應不弱，過終點後餘勢仍強。

「一舖縱橫」蔡明紹跳兩段，慣性豎住尾走，汗濕的確稍嫌多，不過展步順暢有彈力，狀態唔錯。

「心之行」戴頭罩由何澤堯跳兩段，仲係郁身郁勢，力度亦未夠，慢熱馬進展不大。